Published : 07 May 2021 11:17 am

Updated : 07 May 2021 11:19 am

 

Published : 07 May 2021 11:17 AM
Last Updated : 07 May 2021 11:19 AM

இயக்குநர் கே.பாக்யராஜுக்கு  கரோனா தொற்று உறுதி

corona-positive-for-kbhagyaraj

சென்னை

இயக்குநர் கே.பாக்யராஜ் மற்றும் பூர்ணிமா பாக்யராஜ் இருவருக்கும் கரோனா தொற்று உறுதியாகியுள்ளது.

இந்தியாவில் கரோனா 2-வது அலையின் தீவிரம் மிகக் கடுமையாக உள்ளது. இதனைக் கட்டுப்படுத்த மத்திய, மாநில அரசுகள் பல்வேறு நடவடிக்கைகளை எடுத்து வருகின்றன. திரையுலக பிரபலங்கள் பலருக்கும் கரோனா பாதிப்பு ஏற்பட்டுள்ளது.


தமிழ்த் திரையுலகில் பல்வேறு பிரபலங்களுக்கு கரோனா தொற்று பாதிக்கப்பட்டு வீட்டில் தனிமைப்படுத்திக் கொண்டுள்ளனர். தற்போது முன்னணி இயக்குநர் கே.பாக்யராஜ் மற்றும் அவரது மனைவி பூர்ணிமா பாக்யராஜ் இருவருக்கும் கரோனா தொற்று உறுதியாகியுள்ளது. இதனை சாந்தனு தனது ட்விட்டர் பதிவில் உறுதிப்படுத்தியுள்ளார்.

இது தொடர்பாக சாந்தனு தனது ட்விட்டர் பதிவில் கூறியிருப்பதாவது:

"என் பெற்றோர் கே.பாக்யராஜ் மற்றும் பூர்ணிமா பாக்யராஜ் இருவருக்கும் இன்று கரோனா தொற்று உறுதியாகியுள்ளது. எங்கள் பணியாளர்கள் உட்பட அனைவரும் மருத்துவரின் அறிவுரையின் பேரில் வீட்டுத் தனிமையில் இருக்கிறோம். கடந்த 10 நாட்களில் எங்களுடன் தொடர்பிலிருந்தவர்கள் அனைவரும் பரிசோதித்துக் கொள்ளுங்கள் என்று கேட்டுக் கொள்கிறேன். அவர்கள் சீக்கிரம் குணமாகப் பிரார்த்தனை செய்யுங்கள்."

இவ்வாறு சாந்தனு தெரிவித்துள்ளார்.

சாந்தனுவின் ட்வீட்டைத் தொடர்ந்து, கே.பாக்யராஜ் விரைவில் பூரண நலம்பெற பலரும் வாழ்த்து தெரிவித்து வருகிறார்கள்.

தவறவிடாதீர்!

கரோனாகரோனா தொற்றுகரோனா 2-வது அலைஇயக்குநர் கே.பாக்யராஜ்பூர்ணிமா பாக்யராஜ்பாக்யராஜுக்கு கரோனா தொற்றுசாந்தனுசாந்தனு தகவல்One minute newsCoronaCorona positiveKbhagyarajPoornima bhagyarajCorona for bhagyaraj

Sign up to receive our newsletter in your inbox every day!

More From This Category

More From this Author

x