Published : 25 Dec 2020 16:31 pm

Updated : 25 Dec 2020 19:39 pm

 

Published : 25 Dec 2020 04:31 PM
Last Updated : 25 Dec 2020 07:39 PM

'விக்ரம் வேதா' இந்தி ரீமேக்: விஜய் சேதுபதி கதாபாத்திரத்தில் ஹ்ரித்திக் ரோஷன்?

hrithik-roshan-in-vikram-vedha-remake

சென்னை

'விக்ரம் வேதா' இந்தி ரீமேக்கில் விஜய் சேதுபதி கதாபாத்திரத்தில் ஹ்ரித்திக் ரோஷன் நடிக்கவுள்ளதாகத் தகவல் வெளியாகியுள்ளது.

புஷ்கர் - காயத்ரி இயக்கத்தில் விஜய் சேதுபதி, மாதவன், ஷ்ரத்தா ஸ்ரீநாத், வரலட்சுமி சரத்குமார், கதிர் உள்ளிட்ட பலர் நடிப்பில் வெளியான படம் 'விக்ரம் வேதா'. சஷிகாந்த் தயாரிப்பில் வெளியான இந்தப் படம் விமர்சன ரீதியாகவும் வசூல் ரீதியாகவும் நல்ல வரவேற்பைப் பெற்றது.


2017-ம் ஆண்டு ஜூலை 21-ம் தேதி வெளியான இந்தப் படத்தின் அனைத்து ரீமேக் உரிமைகளும் தயாரிப்பாளர் சஷிகாந்திடம் தான் இருக்கிறது. இந்தியில் முன்னணி தயாரிப்பு நிறுவனங்களுடன் இணைந்து சஷிகாந்த் தயாரிக்கப் பணிகள் தொடங்கப்பட்டன. புஷ்கர் - காயத்ரி இருவருமே இயக்க ஒப்பந்தமானார்கள்.

இந்தப் படத்தின் பணிகள் நீண்ட நாட்களாக நடைபெற்று வருகிறது. முதலில் விஜய் சேதுபதி கதாபாத்திரத்துக்குத் தான் முன்னணி நடிகர்களிடம் பேச்சுவார்த்தை நடைபெற்றது. ஷாரூக் கான், ஹ்ரித்திக் ரோஷன் ஆகிய இருவரிடமும் நடைபெற்ற பேச்சுவார்த்தை தோல்வியில் முடிந்தது.

இறுதியில் ஆமிர் கானிடம் நடிக்கப் பேச்சுவார்த்தை நடைபெற்றது. ஆனால், திரைக்கதையில் திருப்தியில்லை என்று விலகிவிட்டார். இதனால் 'விக்ரம் வேதா' இந்தி ரீமேக் பணிகளில் பெரும் பின்னடைவு ஏற்பட்டது. தற்போது மீண்டும் ஹ்ரித்திக் ரோஷனுடன் நடைபெற்ற பேச்சுவார்த்தை சுமுகமான கட்டத்தை எட்டியுள்ளது. அவரும் நடிக்கச் சம்மதம் தெரிவித்திருப்பதாக பாலிவுட் ஊடகங்கள் செய்தி வெளியிட்டுள்ளன.

முதலிலிருந்தே மாதவன் கதாபாத்திரத்தில் சைஃப் அலி கான் நடிப்பது உறுதியாகிவிட்டது. விரைவில் தொழில்நுட்பக் கலைஞர்கள் அனைவரும் இறுதியானவுடன், படக்குழு அதிகாரபூர்வமாக அறிவிக்கும் எனத் தெரிகிறது.

தவறவிடாதீர்!

Vikram vedhaVikram vedha hindi remakeMadhavanVijay sethupathiPushkar gayathriY not studiosOne minute newsவிக்ரம் வேதாவிக்ரம் வேதா இந்தி ரீமேக்மாதவன்விஜய் சேதுபதிபுஷ்கர் காயத்ரிஒய் நாட் ஸ்டுடியோஸ்சஷிகாந்த்சைஃப் அலி கான்ஹ்ரித்திக் ரோஷன்

Sign up to receive our newsletter in your inbox every day!

More From This Category

More From this Author

x