Published : 04 Jul 2020 13:00 pm

Updated : 04 Jul 2020 13:00 pm

 

Published : 04 Jul 2020 01:00 PM
Last Updated : 04 Jul 2020 01:00 PM

'மைதான்' வெளியீட்டுத் தேதி மாற்றம்

maidaan-release

அஜய் தேவ்கன் நடிப்பில் உருவாகியுள்ள 'மைதான்' திரைப்படத்தின் வெளியீட்டுத் தேதி மாற்றப்பட்டுள்ளது.

அமித் ஷர்மா இயக்கத்தில் அஜய் தேவ்கன் நடிப்பில் உருவாகி வரும் படம் 'மைதான்'. போனி கபூர் தயாரித்து வரும் இந்தப் படம் தமிழ், தெலுங்கு, மலையாளம், கன்னடம் மற்றும் இந்தி என ஐந்து மொழிகளில் வெளியாகவுள்ளது.

கரோனா அச்சுறுத்தலால் இந்தப் படத்தின் வெளியீடு பாதிக்கப்பட்டுள்ளது. படத்துக்காகப் போடப்பட்ட அரங்குகள் அனைத்தையும் படக்குழு அகற்றிவிட்டது. இதனால் படத்தின் வெளியீட்டில் மாற்றம் இருக்கும் என்று தகவல் வெளியானது.

இந்த ஆண்டு டிசம்பர் 11-ம் தேதி வெளியாகவிருந்த இந்தப் படத்தை தற்போது 2021-ம் ஆண்டு ஆகஸ்ட் 13-ம் தேதிக்கு மாற்றிவிட்டது படக்குழு. கரோனா அச்சுறுத்தல் முடிந்தவுடன் இறுதிகட்டப் படப்பிடிப்பு நடைபெறவுள்ளது.

1950-லிருந்து 63 வரை, இந்தியக் கால்பந்து அணியின் மேனேஜராகவும், பயிற்சியாளராகவும் இருந்த சையத் அப்துல் ரஹீமின் பயணத்தைச் சொல்லும் படமே ’மைதான்’. அவர் 1951 மற்றும் 1962 ஆசிய விளையாட்டுப் போட்டியில் இந்திய அணியை வெற்றிக்கு வழிநடத்திச் சென்றவர்.

இந்தியக் கால்பந்து அணியின் பொற்காலத்தில் பயிற்சியாளராக இருந்தவரைப் பற்றியும், ஆட்டத்துக்கு அவரது அற்புதமான பங்களிப்பைப் பற்றியும் மக்களுக்குத் தெரியப்படுத்த வேண்டும் என்பதே இந்தப் படத்தின் சிறப்பம்சமாகும்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

மைதான்போனி கபூர்கீர்த்தி சுரேஷ்ப்ரியா மணிமைதான் வெளியீடுமைதான் வெளியீடு மாற்றம்அஜய் தேவ்கன்Ajay devgnMaidaanMaidaan release planOne minute news

Sign up to receive our newsletter in your inbox every day!

You May Like

More From This Category

More From this Author