Published : 10 Apr 2020 10:29 am

Updated : 10 Apr 2020 10:33 am

 

Published : 10 Apr 2020 10:29 AM
Last Updated : 10 Apr 2020 10:33 AM

கரோனாவுக்கு எதிராக போராடுபவர்களுக்காக எஸ்.பி.பி, யேசுதாஸ் பங்கேற்கும் ஆன்லைன் இசை நிகழ்ச்சி

virtual-music-concert

மிகப்பெரிய அச்சுறுத்தலாக உருவாகியிருக்கும் கரோனா தொற்று காரணமாக உலகம் முழுவதும் இயல்பு வாழ்க்கை பாதிக்கப்பட்டுள்ளது. நாளுக்கு நாள் காட்டுத் தீ போல பரவிக் கொண்டிருக்கும் கரோனா வைரஸைக் கட்டுக்குள் கொண்டு வர பல நாடுகளில் ஊரடங்கு உத்தரவுகள் அமலில் உள்ளன.

இந்தியாவில் கரோனா தொற்றைக் கட்டுப்படுத்த 21 நாள் தேசிய ஊரடங்கு அறிவிக்கப்பட்டுள்ளது. இதனால் திரையுலக பிரபலங்கள், பொதுமக்கள் உள்ளிட்ட அனைவரும் வீட்டுக்குள்ளேயே இருக்கும் நிலை ஏற்பட்டுள்ளது.

இந்நிலையில் கரோனா வைரஸ் பரவலுக்கு எதிராக போராடி வரும் மருத்துவர்கள், செவிலியர்கள், காவலர்களுக்காக இந்தியாவின் முன்னணி பாடகர்கள் வீட்டிலிருந்தே பங்குபெறும் ‘சங்கீத சேது’ என்னும் ஆன்லைன் இசைக் கச்சேரி நிகழ்ச்சியை நடத்தவுள்ளதாக இந்திய பாடகர்கள் உரிமை கூட்டமைப்பு (இஸ்ரா) அறிவித்துள்ளது.

இந்நிகைழ்ச்சியில் எஸ்.பி.பாலசுப்ரமணியம், லதா மங்கேஷ்கர், கே.ஜே. யேசுதாஸ், ஹரிஹரன், ஆஷா போஸ்லே, ஷங்கர் மஹாதேவன், உதித் நாராயணன், பங்கஜ் உதாஸ், அல்கா யாக்னிக், சோனு நிகம், கைலாஷ் கேர், ஷான் உள்ளிட்ட இந்தியாவின் முன்னணி பாடகர்கள் வீட்டில் இருந்தபடியே பாடல்களை பாடவுள்ளனர்.

இதுகுறித்து இஸ்ரா தலைமை அதிகாரி சஞ்சய் டாண்டன் கூறுகையில், இந்த சூழலில் நாட்டில் உள்ள முன்னணி பாடகர்களின் மூலம் மக்களை மகிழ்வித்து அவர்களின் அழுத்தம் மற்றும் கவலையை குறைக்க இஸ்ரா முடிவு செய்தது. இந்த தேசிய சேவைக்கு முன்வந்த அனைத்து கலைஞர்களுக்கு நன்றி தெரிவித்துக் கொள்கிறேன்’ என்றார்.

‘சங்கீத சேது’ நிகழ்ச்சி ஏப்ரல் 9,10,11 ஆகிய மூன்று தினங்களும் இரவு 8 மணிக்கு நடைபெறும்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

Virtual music concertSangeet setuஎஸ்.பி.பியேசுதாஸ்ஆன்லைன் இசை நிகழ்ச்சிசங்கீத சேதுஎஸ்.பி.பாலசுப்ரமணியம்லதா மங்கேஷ்கர்கே.ஜே. யேசுதாஸ்ஹரிஹரன்ஆஷா போஸ்லேஷங்கர் மஹாதேவன்உதித் நாராயணன்பங்கஜ் உதாஸ்அல்கா யாக்னிக்சோனு நிகம்கைலாஷ் கேர்ஷான்

Sign up to receive our newsletter in your inbox every day!

You May Like

More From This Category

More From this Author