விவேகம் விமர்சன சர்ச்சை: ஜி.வி.பிரகாஷ் விளக்கம்

அஜித் நடிப்பில் வெளியாகியிருக்கும் 'விவேகம்' படத்தின் விமர்சன சர்ச்சை குறித்து ஜி.வி.பிரகாஷ் விளக்கமளித்துள்ளார்.

சிவா இயக்கத்தில் அஜித் நடித்திருக்கும் 'விவேகம்' பெரும் எதிர்பார்ப்புக்கு இடையே ஆகஸ்ட் 24-ம் தேதி வெளியானது. இப்படத்துக்கு கலவையான விமர்சனங்கள் வந்துள்ளன. இதில் மாறன் என்பவரது விமர்சனம் திரையுலகினர் மத்தியில் கடும் அதிருப்தியை உண்டாக்கி இருக்கிறது.

'விவேகம்' விமர்சன சர்ச்சை குறித்து ஜி.வி.பிரகாஷ் தனது ட்விட்டர் பக்கத்தில் வெளியிட்டுள்ள அறிக்கையில் கூறியிருப்பதாவது:

தயாரிப்பாளர்களும், விநியோகஸ்தர்களும் ஒரு படத்தில் கோடிக்கணக்கில் முதலீடு செய்கின்றனர். விமர்சனம் மூலம் ஒரு படத்தை தாழ்த்துவது நியாயமல்ல. ஒரு படம் வந்து குறைந்தது 3-4 நாட்களாவது காத்திருக்க வேண்டும். பார்க்க வேண்டுமா, வேண்டாமா என மக்கள் முடிவு செய்யட்டும். வசூலும் நிரூபிக்கும். யார் படமாக இருந்தாலும் சரி. நான் எனது துறையின் பின்னால் நிற்கிறேன்

இவ்வாறு ஜி.வி.பிரகாஷ் தெரிவித்துள்ளார்.