Published : 05 Jan 2016 04:34 PM
Last Updated : 05 Jan 2016 04:34 PM
Eksik| Eksik Dir.: Baris Atay Turkey |110’|2015
உட்லண்டஸ் | காலை 10:30 மணி
1981ல் இருந்து 1984 வரை நடந்த இராணுவப் புரட்சியிலிருந்து எக்ஸிக் (லேக்) கதை துவங்குகிறது. அப்போது புரட்சியாளர்கள் பலர் வேட்டையாடப்பட்டனர். கர்ப்பமாக இருக்கும் மேலேக்கின் கணவன் கைதுசெய்யப்பட்டு கொல்லப்படுகிறான். குழந்தை பெற்றவுடனேயே தனது மாமனாரால் வீட்ட்லிருந்து விரட்டப்படுகிறாள். அவளது மூத்த மகன் டெனிஸை மாமனார் வைத்துக் கொள்கிறார். 30 வருடங்கள் கழித்து தனித்து, குடிப்பழக்கத்துக்கு அடிமையான டெனிஸ் பிரிந்து சென்ற தனது தாயையும் சகோதரனையும் தேடிச் செல்கிறான். ஆனால் அவன் அறிந்து கொள்ளப் போகும் உண்மை எதிர்பாரத விதமாக இருக்கிறது.
Victoria Dir.: Sebastian Schipper Germany|138’|2015
உட்லண்டஸ் | மாலை 6:00 மணி
ஒளிப்பதிவாளர் Sturla Brandth Grøvlen வின் கேமராவில் ஒரே ஷாட்டில் எடுக்கப்பட்ட இப்படம் 88வது ஆஸ்கர் விருதுக்காக சிறந்த வெளிநாட்டுத் திரைப்படப் பிரிவுக்கான போட்டியில் பங்கேற்றது.
65வது பெர்லின் திரைப்பட விழாவில் போட்டியிட்டு வெள்ளிக்கரடி உள்ளிட்ட ஆறுவிதமான விருதுகளை சிறந்த படம் உள்ளிட்ட பல்வேறு பிரிவுகளுக்காகப் பெற்றது. டொரண்டோ முதலான திரைப்படவிழாக்களில் சிறப்புத் திரையிடலுக்குத் தேர்வானது.
பெர்லினுக்கு குடி பெயரும் இளம் ஸ்பானிஷ் பெண், சோனே என்பவனை நண்பனாக்கிக் கொள்கிறாள். ஆனால் அவனுடம் வெளியே செல்லும் ஒரு இரவு அவளுக்கு ஆபத்தான ரகசியம் ஒன்றை தெரியப்படுத்தி அவளையும் அதில் சிக்க வைக்கிறது. அது என்ன ரகசியம்?
Forever|Gia panta Dir.:Margarita Manda Greece|87’|2014
கேஸினோ | காலை 10:15 மணி
கடற்பறவைகள் தண்ணீரின் மேலே கூச்சலிடுவதைப்போல சுரங்கப்பாதையில் ரெயில் ஒன்று பாய்ந்துசெல்கிறது. ஆளரவமற்ற ரயில் நிலையம், மற்றும் இரண்டு தனித்த ஆத்மாக்கள் ஒரு சாம்பல் நகரத்தில். அவன் ஒரு என்ஜின் டிரைவர், அவள் டிக்கட் விற்பவள்.
அவன் தனது ரெயிலில் அவளை ஒவ்வொரு நாளும் பார்க்கிறான். அவனுக்கு அவளைப் பிடித்திருக்கிறது. அவன் அவளைக் காதலிக்கிறான். ஆனால் அவளுக்கு அது சம்பந்தமான எந்த யோசனையுமில்லை. ஒரு நட்பு அவ்வளவுதான்.
ஏதென்ஸ் நகரில் காதல் கைகூடும் என்ற நம்பிக்கை அவர்களுக்கு இருக்கிறதா? ஏற்கெனவே ஏதென்ஸ் காதல் நோயால் பீடிக்கப்பட்ட நகரம். அதை எப்படி அப்படியே விட்டுவிடமுடியும்... அவன் அவளிடம் தன் காதலை சொன்னானா? அவள் ஏற்றுக்கொண்டாளா? ஒரு உணர்வுமிக்க கவிதை இங்கு சினிமாவாகியுள்ளது.
1944|1944 Dir.:Elmo Nuganen Estonia |2015|100
கேஸினோ | மதியம் 12:00 மணி
1944: இப்படம் இரண்டாம் உலகப் போரில் நடைபெற்ற சமபவம் ஒன்றை மையப்படுத்தியுள்ளது. செம்படை ராணுவம் 1994 ஜூலை முதல் ஈஸ்டோனியாவில் அங்குள்ள நீலமலைப் பகுதிகளில் தொடங்கி ஈஸ்டோனியாவின் கடைசிப் பகுதி வரை நவம்பர் மாதம் வரை ஆக்கிரமித்தன. சாதாரண மனிதர்களின் மீது போர் தொடுக்கப்பட்டதையும் அதனால் நேர்ந்த விளைவுகளையும் இழப்புகளையும் இப்படம் பேசுகிறது. செம்படை மற்றும் ஜெர்மன் ராணுவத்தினருடன் பணியாற்ற நேர்ந்த ஈஸ்டோனியன் படைவீரர்களின் கண்களின் வழியே இப்போர் காட்டப்படுகிறது.
The Man from Oran |L'Oranais |Dir.: Lyès Salem Algeria|128’|2014
ஐநாக்ஸ் 2 | மதியம் 12:30 மணி
அல்ஜீரியப் விடுதலைப் போரில் மக்கள் தீவிரமாக ஈடுபட்ட 1962. இரு நண்பர்கள், டிஜாஃப்பர் மற்றும் ஹமீத், நல்ல எதிர்காலத்திற்காக சுதந்திர அல்ஜீரியாவை எதிர்நோக்கி காத்திருப்பவர்கள். ஆனால் அவர்கள் இருவரும் வஞ்சனையினால் பிரியும் நாள் ஒன்றும் வருகிறது.
டிஜாஃப்பர் நாட்டுக்காக ஒரு பிரெஞ்ச் நிலச்சுவாந்தாரைக் கொலை செய்துவிடுகிறான். சில வருடங்களில் நாடு சுதந்திரம் பெருகிறது. ஹமீத் வியக்கவைக்கும் வில்லா, அமெரிக்க மனைவி என மிகப்பெரிய பணக்காரனாக எப்போதும் போல் சுகபோகமாக இருக்கிறான். அரசாங்கத்தோடு நல்லுறவும் இருக்கிறது.
ஒளிந்து மறைந்துவாழும் டிஜாஃபர் ஐந்துவருடம் கழித்து திரும்பி வருகிறான். குடும்பம் நிலைகுலைந்திருப்பதை அவன் காண்கிறான். அவன் மனைவி இறந்து விட்டிருக்கிறாள். இளைய மகன் அவனைப் பார்த்து திணறவைக்கும் ஒரு கேள்வியைக் கேட்கிறான்.
Pioneer Heroes |Pionery-geroi| Dir.:Natalya Kudryashova Russia|2015|116’
ஐநாக்ஸ் 3 | மதியம் 12:15 மணி
1987-ல் ஒலேகா நகரைச் சேர்ந்த கத்யாவும் ஆந்த்ரேயும் ஒரே பள்ளியில் ஒரே வகுப்பில் ஒன்றாகப் படித்தவர்கள். அவர்கள் இருவரும் ஒருங்கிணைந்த சோவியத் ரஷ்யாவுக்காக உயிரையும் கொடுக்க வேண்டும் என்ற எண்ணத்தை வளர்த்துக்கொண்டவர்கள். ஆனால் பிற்காலத்தில் எல்லாமும் மாறிவிடுகிறது.
30 வயதைத் தொடும்போது அவர்களில் காத்யா ஒரு நடிகையாக இருக்கிறாள். அவள் ஏற்கெனவே திருமணமான இளைஞனை காதலிக்கிறாள். ஆந்த்ரே ஒரு அரசியல் விமர்சகனாக இருக்கிறான். தன்னுடைய வேலைச் சுமையிலிருந்து விடுபட வீடியோ விளையாட்டை நாடுகிறான். அவர்கள் இப்போதுள்ள தங்கள் நாட்டில் காணும் உண்மை இயல்பு வேறாக இருக்கிறது.
1987-ஐ தூரத்திலிருந்து காணும்போது இன்று அவர்கள் வாழ்க்கை வெற்றிகரமானதுதான். ஆனால் அப்போது அவர்கள் கண்ட கனவுக்கே சம்பந்தமில்லாத வெற்றி.. வீரதீரத் தலைவர்கள் போல ஆவது என்னும் சிந்தனைக்கே சம்பந்தமேயில்லாத வாழ்க்கை.
மனிதனை சாவிலிருந்து தப்பிக்கவைக்கும் மாத்திரையை கண்டுபிடிக்க வேண்டும் என்பதுதான் ஆந்த்தேரேவின் ஆரம்பகால லட்சியக் கனவு. அதேபோல நாட்டுக்கு உழைத்த முன்னோடித் தலைவராக வேண்டுமென்பதுதான் காத்யாவின் கனவும். ஆனால் அவளுடைய தாத்தா அரசாங்கத்தை ஏமாற்றும் ஒரு கள்ளச்சாராய வியாபாரி என்பதைக் பின்னர் கண்டறிகிறாள். இதனால் அவள் மிகவும் மனமுடைந்துபோகிறாள்.
அவளுக்கு இப்போதெல்லாம் முன்னோடி தலைவராவது மற்றும் லட்சியம் குறித்த கனவு என்பதெல்லாம் இரவில் ஒரு பேய்க்கனவு போலத்தான் வருகிறது
Sign up to receive our newsletter in your inbox every day!
WRITE A COMMENT