Published : 18 Mar 2019 14:40 pm

Updated : 18 Mar 2019 14:40 pm

 

Published : 18 Mar 2019 02:40 PM
Last Updated : 18 Mar 2019 02:40 PM

‘காப்பான்’ அப்டேட்: தன்னுடைய கதாபாத்திரத்தை உறுதிசெய்த சூர்யா

‘காப்பான்’ படத்தில் தான் நடிக்கும் கதாபாத்திரம் என்ன என்பதை உறுதி செய்துள்ளார் சூர்யா.

கே.வி.ஆனந்த் இயக்கத்தில் உருவாகிவரும் படம் ‘காப்பான்’. சூர்யா ஹீரோவாக நடித்துள்ள இந்தப் படத்தில், மோகன்லால், பொமன் இரானி, ஆர்யா ஆகியோர் முக்கியக் கதாபாத்திரங்களில் நடித்துள்ளனர். ஹீரோயினாக சயீஷா நடித்துள்ளார்.


இந்தப் படத்தில் மோகன்லால் இந்தியாவின் பிரதமராகவும், அவரின் பாதுகாப்புக்கு இருக்கும் உயர் போலீஸ் அதிகாரியாக சூர்யாவும் நடிக்கின்றனர் என ஏற்கெனவே செய்திகள் வெளியாகின. ஆனால், இதுகுறித்து படக்குழு மறுக்கவோ, உறுதிப்படுத்தவோ இல்லை.

இந்நிலையில், மோகன்லால் மற்றும் சூர்யாவின் கதாபாத்திரம் குறித்து உறுதி செய்துள்ளார் சூர்யா.

மோகன்லாலின் முகநூல் பக்கத்தில், அவருடைய நேர்காணல் லைவ்வாக ஒளிபரப்பானது. அதில், வீடியோ கால் மூலம் சூர்யா பேசினார். அப்போது ‘காப்பான்’ குறித்து ஏதாவது பகிர்ந்து கொள்ளும்படி நிகழ்ச்சித் தொகுப்பாளர் கேட்டார்.

அதற்குப் பதிலளித்த சூர்யா, ‘இது ஏற்கெனவே ஊடகங்களில் வெளியான செய்திதான். அதை இப்போது நான் உறுதி செய்கிறேன். மோகன்லால் சார் பிரதமராகவும், நான் அவரைப் பாதுகாக்கும் எஸ்பிஜி (Special Production Group) அதிகாரியாக நானும் நடிக்கிறேன்’ என்று தெரிவித்தார்.

ஹாரிஸ் ஜெயராஜ் இசையமைக்கும் இந்தப் படத்தின் படப்பிடிப்பு முடிவடைந்து, தற்போது இறுதிகட்டப் பணிகள் நடைபெற்று வருகின்றன.

தவறவிடாதீர்!

    காப்பான்சூர்யாமோகன்லால்கே.வி.ஆனந்த்பிரதமர்சயீஷாஆர்யாதமிழ் சினிமா

    Sign up to receive our newsletter in your inbox every day!

    More From This Category

    More From this Author

    x