ரோஜா சீரியலில் நதியா

சன் தொலைக்காட்சியில் ப்ரியங்கா, சிபு சூரியன், வடிவுக்கரசி உள்ளிட்டோர் நடிப்பில் மதியம் 3 மணிக்கு ஒளிபரப்பாகி வரும் ‘ரோஜா’ சீரியல் வரும் மார்ச் - 18 முதல் இரவு 9 மணிக்கு ஒளிபரப்பாகவுள்ளது. இத்தொடரில் ரோஜாவாக நடிக்கும் ப்ரியங்கா, தான் வாழ்ந்த ஆதரவற்றவர்கள் வசிக்கும் இல்லத்தை மீட்க வகுக்கும் திட்டங்களைப் பின்னணியாகக் கொண்டு நகர்வதுதான் கதைக்களம். குடும்ப உறவுகள், சிறைச்சாலை களம் என திரில்லர், நெகிழ்ச்சி கலந்து ஒளிபரப்பாகி வரும் இத்தொடர் அடுத்த 2 வாரங்களில் இரவு 9 மணி ’பிரைம் டைம்’ சீரியல் பட்டியலுக்குள் நுழையவுள்ளது.

மேலும் இந்தத் தொடரை நோக்கி பார்வையாளர்களை இன்னும் ஈர்க்க நடிகை நதியாவை இந்த சீரியலுக்குள் கொண்டு வருகிறார்கள். முதன்முறையாக தமிழ் சின்னத்திரை சீரியலுக்குள் நதியா நுழைகிறார் என்பது கூடுதல பலம்.