சென்னை: ஆபரணத் தங்கத்தின் விலை இன்று (ஆக.21) பவுனுக்கு ரூ.2 ஆயிரம் உயர்ந்து, ரூ.1 லட்சத்து 18 ஆயிரத்து 800-க்கு விற்பனை செய்யப்பட்டது.
மத்திய கிழக்கில் நிலவும் போர் பதற்றம், சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாய் மதிப்பின் நிலை ஆகியவற்றால், தங்கத்தின் விலை கடந்த 5-ம் தேதியில் இருந்து பெரும்பாலான நாட்களில் உயர்ந்து வந்தது. அதிலும் ஆக.14-ம் தேதியில் இருந்து படிப்படியாக அதிகரித்தது.
இதன் தொடர்ச்சியாக, சென்னையில் ஆபரணத் தங்கத்தின் விலை இன்று (ஆக.21) பவுனுக்கு ரூ.2 ஆயிரம் உயர்ந்து, ரூ.1 லட்சத்து 18 ஆயிரத்து 800-க்கு விற்பனை செய்யப்பட்டது. ஒரு கிராம் தங்கம் ரூ.250 உயர்ந்து, ரூ.14,850-க்கு விற்கப்பட்டது. இதுபோல, வெள்ளி கிராமுக்கு ரூ.10 உயர்ந்து, ரூ.270 ஆகவும், கட்டி வெள்ளி கிலோவுக்கு ரூ.10 ஆயிரம் உயர்ந்து, ரூ.2 லட்சத்து 70 ஆயிரமாகவும் இருந்தது.
