எல் அண்ட் டி நிகர லாபம் 84% உயர்வு

கட்டுமானத்துறை நிறுவனமான லார்சன் அண்ட் டூப்ரோ நிகர லாபம் 84 சதவீதம் உயர்ந்து ரூ.1,434 கோடியாக இருக்கிறது. கடந்த வருடம் ரூ.778 கோடியாக இருந்தது.

நிறுவனத்தின் மொத்த வருமானம் 8 சதவீதம் உயர்ந்து ரூ.25,010 கோடியாக இருக்கிறது. கடந்த வருடம் இதே காலத்தில் 23,123 கோடியாக இருந்தது. மொத்த செலவுகளும் ரூ.21,521 கோடியில் இருந்து ரூ.23,173 கோடியாக அதிகரித்திருக்கிறது. செப்டம்பர் காலாண்டில் சர்வதேச அளவில் கிடைக்கும் வருமானம் 36% உயர்ந்து ரூ.8,930 கோடியாக இருக்கிறது.

இரண்டாம் காலாண்டில் 31,119 கோடி மதிப் பிலான திட்டங்களுக்கான ஆர்டர் கிடைத் திருக்கிறது. நிறுவனத்தின் வசம் மொத்தமாக ரூ.2,51,773 கோடி ஆர்டர்கள் இருக்கின்றன. கடந்த காலாண்டில் ஜெனரல் இன்ஷூரன்ஸ் தொழிலில் இருந்து எல் அண்ட் டி நிறுவனம் வெளியேறியது. இதன் காரண மாக கிடைத்த லாபத்தால் நிறுவனத்தின் நிகரலாபம் 84 சதவீதம் உயர்ந்தது.

நேற்றைய வர்த்தகத்தின் முடிவில் 1.36 சதவீதம் சரிந்து 1,329 ரூபாயில் இந்த பங்கின் வர்த்தகம் முடிந்தது.