கௌதம் அதானி- இவரைத் தெரியுமா?

#மின்சாரம், துறைமுகம் என பல தொழில்களில் ஈடுபட்டிருக்கும் அதானி குழுமத்தின் தலைவர். இவர் குஜராத்தைச் சேர்ந்தவர்.

#குஜராத் பல்கலைக்கழகத்தில் பி.காம் சேர்ந்தார். ஆனால் படிப்பை தொடராமல் விலகிவிட்டார்.

#அப்பாவின் தொழிலைச் செய்யாமல் மும்பைக்கு சென்று, வைரங்களைத் தரம் பிரிக்கும் நிறுவனத்தில் வேலை செய்த இவர், பிறகு அந்தத் தொழிலிலேயே ஈடுபட்டார்.

#திருபாய் அம்பானியின் தொலைநோக்கு திட்டம் பிடிக்கும் என்றாலும் அவர் எனக்கு முன் உதாரணம் கிடையாது, ஒவ்வொரு மனிதர்களிடத்திலிருந்தும் ஒவ்வொன்றை எடுத்துக்கொள்வேன் என்பவர்.

#1999-ம் ஆண்டு இவர் கடத்தப்பட்டதாகவும் பிறகு பணம் கொடுத்து மீட்கப்பட்டதாகவும் கூட ஒரு செய்தி உண்டு, மேலும் மோசடி குற்றச்சாட்டு, அந்நிய செலாவணி மோசடி உள்ளிட்ட குற்றச்சாட்டுகளும் உண்டு.

#மோடிக்கு தேர்தல் நிதி உதவி அளித்ததாகக் குற்றச்சாட்டு எழுந்தது. ஆனால் மோடிக்கு மட்டுமல்ல எந்த அரசியல் கட்சிக்கும் நிதி உதவி செய்யவில்லை என்று தெரிவித்திருக்கிறார்.