இவரைத் தெரியுமா?- கேசவ் ஆர். முருகேஷ்

$ டபுள்யூஎன்எஸ் குளோபல் சர்வீசஸ் நிறுவனத்தின் தலைமைச் செயல் அதிகாரி. நாஸ்காம் நிறுவனத்தின் தலைவராகவும் இருக்கிறார்.

$ சென்னையில் பிறந்தவர். ரஞ்சி டிராபி கிரிக்கெட் வீரர் எம்.கே.முருகேஷ் இவரது தந்தை.

$ வணிகவியலில் இளநிலை பட்டமும், இந்திய பட்டயக் கணக்காளர் பட்டமும் பெற்றவர்.

$ 1989 ல் ஐடிசி நிறுவனத்தின் உள் தணிக்கையாளராக பணியைத் தொடங்கினார். ஐடிசி நிறுவனத்தின் பல்வேறு துறைகளில் பணியாற்றியவர். ஐடிசி நிறுவனத்தின் நிதிப்பிரிவு துணைத் தலைவராக இருந்தவர்.

$ 2002ல் சின்டெல் இன்கார்ப்பரேஷன் நிறுவனத்தின் தலைமை நிதி அதிகாரியாகச் சேர்ந்தார். 2004 தலைமைச் செயல்பாட்டு அதிகாரியாகவும், தலைமைச் செயல் அதிகாரியாகவும் பணியாற்றினார். 2009ல் அந்த நிறுவனத்திலிருந்து வெளியேறினார்.

$ இந்திய தணிக்கையாளர் நிறுவனம் வழங்கும் `பிசினஸ் லீடர் 2013’ விருது, ஆசியாவின் சிறந்த சிஎஸ்ஆர் நடவடிக்கைகளுக்கான சமூக தொழில்முனைவோர் விருது உள்ளிட்ட பல விருதுகளை பெற்றுள்ளார். சிறந்த பேச்சாளர். சர்வதேச அளவில் பல கருத்தரங்குகளில் பங்கேற்பவர்.

$ நீங்கள் இப்போதோ அல்லது எதிர்காலத்திலோ நினைத்த இலக்கை அடையலாம். ஆனால் கடந்த காலத்துக்கு மரியாதை கொடுக்க வேண்டும். சர்வதேச அளவில் வளர்வது என்பது வெற்றியல்ல, அது நமது அறிவு வளர்ச்சியின் அடையாளம் என்பார்.