பிலிப் ரோஸ்லர் - இவரைத் தெரியுமா?

$ உலக பொருளாதார மையத்தின் நிர்வாக இயக்குநர். 2014 ஜனவரி மாதத்திலிருந்து இந்த பொறுப்பில் இருக்கிறார்.

$ இதற்கு முன்பு ஜெர்மனியின் பொருளாதார, தொழில்நுட்ப மற்றும் சுகாதாரத் துறை அமைச்சராக இருந்தவர்.

$ வியத்நாமில் பிறந்தவர். ஹனோவர் மருத்துவக் கல்லூரியில் மருத்துவம் படித்தவர். இருதய அறுவை சிகிச்சையில் முனைவர் பட்டம் பெற்றவர். மருத்துவராக ஜெர்மனி ராணுவத்தில் பணியாற்றியவர்.

$ சுதந்திர ஜனநாயகக் கட்சியில் 1992-ம் ஆண்டு இணைந்தார். ஜெர்மனியில் இருக்கும் லோயர் சாக்ஸோனி மாகாணத்துக்கு தலைவராகவும் இருந்தார். அங்கிருந்து நாடாளுமன்றத்துக்குத் தேர்ந்தெடுக்கபட்டார்.

$ சீர்திருத்தங்கள் என்பது இன்ஸ்டண்ட் காபி போல உடனடியாக தயாரிப்பது அல்ல. ஒரு மாதத்திலோ அல்லது ஒரு வருடத்திலே அனைத்தையும் செய்ய முடியாது என்று தெரிவித்தவர்.