நிதி ஆயோக்கின் சிஇஓவுக்கு 2 ஆண்டுகள் பதவி நீட்டிப்பு

நிதி ஆயோக் அமைப்பின் தலைமைச் செயல் அதிகாரியாக உள்ள அமிதாப் காந்தின் பதவிக் காலம் மேலும் 2 ஆண்டுகள் நீட்டிக்கப்பட்டுள்ளது. இது தொடர்பான அதிகாரபூர்வ அரசு உத்தரவு நேற்று வெளியானது.

பணியாளர் நியமனத்துக்கான அமைச்சரவை குழு இந்த பதவி நீட்டிப்புக்கு ஒப்புதல் அளித்தது. இம்மாதம் 30-ம் தேதியுடன் அமிதாப் காந்தின் பதவிக் காலம்முடிவடைய இருந்தது. இந்நிலையில் அவரது பதவிக் காலம்ஜூன் 30, 2021 வரை நீட்டிக்கப்பட்டுள்ளதாக மத்திய பணியாளர் அமைச்சகம் வெளியிட்ட அறிக்கையில் குறிப்பிடப்பட்டுள்ளது.