பளிச் பத்து 95: வயலின்

சுமார் 500 ஆண்டுகளுக்கு முன்பு வயலின் உருவாக்கப்பட்டதாக ஆய்வுகள் தெரிவிக்கின்றன.

வயலின் இசைக் கருவியில் 70 பாகங்கள் உள்ளன.

பிரபல இசை மேதையான மொசார்ட், முதலில் வயலின் இசைக்கத்தான் கற்றுக்கொண்டார்.

இத்தாலியை சேர்ந்த காஸ்பரோ ட சாலோ, ஆண்டிரன் அமடி, ஆண்டோனியோ ஸ்டிராடிவாரி ஆகியோர் 17-ம் நூற்றாண்டில் பல்வேறு கட்டங்களில் வயலின் இசைக் கருவியை மேம்படுத்தி உள்ளனர்.

உலகில் அதிக விலை மதிப்புள்ள வயலின் 16 மில்லியன் டாலருக்கு விற்கப்பட்டது.

ஒரு மணி நேரம் வயலின் இசைப்பதன் மூலம் ஒருவர் 170 கலோரிகளை குறைக்க முடியும்.

வயலின் இசைக் கருவிகள் பெரும்பாலும் மேப்பிள் மரத்தால் செய்யப்படுகின்றன.

உலகிலேயே மிக வேகமாக வயலின் இசைக்கக்கூடிய கலைஞராக சசெக்ஸ் நகரின் பென் லீ கருதப்படுகிறார்.

ஆரம்ப காலகட்டத்தில் பன்றி, ஆடு, குதிரை ஆகிய மிருகங்களின் குடல்களைப் பயன்படுத்தி வயலின் கம்பிகள் தயாரிக்கப்பட்டன.

உலகின் மிகப் பெரிய வயலின் ஜெர்மனியில் தயாரிக்கப்பட்டது. இதன் நீளம் 4.27 மீட்டர்.