மிருகசீரிடம், திருவாதிரை, புனர்பூசம் ; ஜென்ம தாரை, மைத்ர தாரை, அதி மைத்ர தாரை, சம்பத்து தாரை, க்ஷேம தாரை பலன்கள்! 27 நட்சத்திரங்கள் - ஏ டூ இஸட் தகவல்கள் - 90 ; 

- 'சொல்வாக்கு ஜோதிடர்’ ஜெயம் சரவணன்

வணக்கம் வாசகர்களே.

ஒவ்வொரு நட்சத்திரத்தின் தாராபலம் பற்றி பார்த்து வருகிறோம். தொடர்ந்து பார்ப்போம்.

மீண்டும் ஒருமுறை நினைவூட்டுகிறேன். இந்த அத்தியாயம் 90-வது அத்தியாயம். 87வது பதிவை பதிவிறக்கம் செய்து வைத்துக்கொள்ளுங்கள். அப்போதுதான் இந்த விளக்கம் இன்னும் முழுமையாகவும் தெளிவாகவும் உங்களுக்குப் புரிய வரும்.

மிருகசீரிடம் நட்சத்திரம்

ஜென்ம தாரை நட்சத்திரங்கள் -

மிருகசீரிடம் - சித்திரை - அவிட்டம்-

இந்த மூன்று நட்சத்திரங்களும் உங்களுக்கு ஜென்ம நட்சத்திரமாக வேலை செய்யும். அனைத்து சுப விஷயங்களும், சுப காரியங்களும் செய்யலாம். ஆனால், ஆண்கள் திருமணம் செய்யக்கூடாது, பெண்களுக்கு வளைகாப்பு நடத்தக்கூடாது. சுப காரியங்கள் செய்யலாம்.

சம்பத்து தாரை நட்சத்திரங்கள் -

திருவாதிரை - சுவாதி - சதயம் -

இந்த மூன்று நட்சத்திரங்களும் உங்களுக்கு சம்பத்து தாரை நட்சத்திரங்கள். இந்த நட்சத்திரங்கள் வரும் நாட்களில் மேற்கொள்ளும் எந்தவொரு காரியமும் சிந்தாமல் சிதறாமல் முழுமையான வெற்றியை தரக்கூடியது. திடீர் பணவரவு, மிகப்பெரிய ஆதாயங்கள், தொழில் வியாபாரம் தொடங்குவது, இந்த நட்சத்திரங்களில் உள்ளவர்கள் வாழ்க்கைத்துணை, நண்பர்கள் என அமைவது என்று அனைத்தும் மிகச் சிறப்பாக இருக்கும்! வெற்றியைத் தவிர வேறு எந்தத் தடையும் தாமதமும் இருக்காது.

க்ஷேம தாரை நட்சத்திரங்கள் -

பூசம், அனுஷம், உத்திரட்டாதி -

இந்த மூன்று நட்சத்திரங்களும் க்ஷேம தாரை நட்சத்திரங்கள். இந்த நட்சத்திரங்கள் வரும் நாட்களில் அசையும் சொத்துகள், அசையாச் சொத்துக்கள் வாங்குவதற்கும் அல்லது விற்பனை செய்வதற்கும் ஆதாயம் தரக்கூடியதாக இருக்கும். சொத்துகள் விற்பதாக இருந்தால் நீங்கள் எதிர்பார்த்ததை விடவும் அதிகப்படியான லாபம் கிடைக்கும். ஆடை ஆபரணங்கள் வாங்குவது, பயணங்கள் மேற்கொள்வது என அனைத்தும் சிறப்பாக இருக்கும்.

சாதக தாரை நட்சத்திரங்கள் -
அஸ்வினி, மகம், மூலம் -
இந்த மூன்று நட்சத்திரங்களும் சாதக தாரை நட்சத்திரங்கள். இந்த நட்சத்திரங்கள் வரும் நாட்களில் மேற்கொள்ளும் எந்தவொரு காரியங்களும் உங்களுக்கு முழுமையான நற்பலன்களைக் கொடுக்கக்கூடியதாக இருக்கும். வேலைக்கு மனு செய்வது, தொழில் தொடர்பான கடன் பெறுவது, வியாபாரம் தொடர்பான ஒப்பந்தங்கள் போடுவது என அனைத்தும் நன்மை தரக்கூடியதாக இருக்கும்.

மைத்ர தாரை நட்சத்திரங்கள் -

கார்த்திகை, உத்திரம், உத்திராடம் -

இந்த மூன்று நட்சத்திரங்களும் மைத்ர தாரை நட்சத்திரங்கள். இந்த நட்சத்திரங்கள் வரும் நாட்களில் மேற்கொள்ளும் எந்தக் காரியமும் பயனுள்ளதாகவும், மனமகிழ்ச்சியைத் தரக்கூடியதாகவும் இருக்கும். வெளிநாட்டுப் பயணங்கள், வெளிநாட்டில் வேலை தேடுவது பயன் தரும். தொழில் மற்றும் வியாபார ரீதியான பயணங்களை மேற்கொள்ளவும் ஏற்றதாகும். இரட்டிப்பு லாபம் கிடைக்க வேண்டுமானால் இந்த நட்சத்திரங்கள் வரும் நாட்களில் மேற்கொண்டால் லாபத்தை அடையமுடியும்.

அதி மைத்ர தாரை நட்சத்திரங்கள் -

ரோகிணி, அஸ்தம், திருவோணம் -

இந்த மூன்று நட்சத்திரங்களும் அதிமைத்ர தாரை நட்சத்திரங்கள். இந்த நட்சத்திரங்கள் வரும் நாட்களில் மேற்கொள்ளும் எந்தவொரு விஷயமும் ஆதாயம் தரக்கூடியதாக இருக்கும். அயல்நாட்டுப் பயணங்கள், அயல்நாடுகளில் தொழில் மற்றும் வியாபாரம் தொடங்குவது, ஏற்றுமதி இறக்குமதி தொழில் தொடங்குவது, வெளிநாடுகளில் நிரந்தரக் குடியுரிமை பெறுவது போன்ற விஷயங்கள் சாதகமாக இருக்கும். ஆன்மிகப் பயணங்கள் மேற்கொள்ளவும், ஆன்மிகப் பெரியோர்களை தரிசனம் செய்வதும் சிறப்பான பலன்களைத் தரும்.

விபத்து தாரை நட்சத்திரங்கள் -
புனர்பூசம், விசாகம், பூரட்டாதி -

இந்த மூன்று நட்சத்திரங்களும் விபத்து தாரை நட்சத்திரங்கள். இந்த நட்சத்திரங்கள் வரும் நாட்களில் மேற்கொள்ளும் எந்தக் காரியமும் உங்களுக்கு கடுமையான பாதிப்புகளைத் தரக்கூடியதாகவும், பல்வேறு பிரச்சினைகளை சந்திக்க வேண்டியதாக இருக்கும். பயணங்கள் செய்யக்கூடாது. கடன் வாங்கக்கூடாது, வழக்கு தொடுக்கக் கூடாது, பொதுப் பிரச்சினைகளில் தலையிடக் கூடாது.

பிரத்தியக்கு தாரை நட்சத்திரங்கள் -

ஆயில்யம், கேட்டை, ரேவதி -

இந்த மூன்று நட்சத்திரங்களும் பித்தளை நட்சத்திரங்கள் என்று சொல்லப்படும். இந்த நட்சத்திரங்கள் வரும் நாட்களில் மேற்கொள்ளும் எந்தக் காரியமும் உங்களுக்கு எந்த வகையிலும் ஆதாயத்தை தராது. உங்களால் மற்றவர்கள் ஆதாயமடைவார்கள். ஏமாற்றம் மட்டுமே மிஞ்சக் கூடியதாக இருக்கும்.

வதை தாரை நட்சத்திரங்கள் -

பரணி, பூரம், பூராடம் -

இந்த மூன்று நட்சத்திரங்களும் வதை தாரை நட்சத்திரங்கள். இந்த நட்சத்திரங்கள் வரும் நாட்களில் மேற்கொள்ளும் எந்தக் காரியமும் உங்களுக்கு எதிராகத் திரும்பி உங்களுக்கு கடுமையான பாதிப்புகளை உண்டாக்கும். கடன் வாங்குவது கூடவே கூடாது, இந்த நாட்களில் யாருக்கும் ஜாமீன் தரக்கூடாது. புதிய முயற்சிகளில் ஈடுபடக் கூடாது.
***********************************

திருவாதிரை நட்சத்திரம்

திருவாதிரை நட்சத்திரத்துக்கான தாரா பலன்கள் தரும் நட்சத்திரங்களைப் பார்ப்போம்.

ஜென்ம தாரை நட்சத்திரங்கள் -

திருவாதிரை, சுவாதி, சதயம் -

இந்த மூன்று நட்சத்திரங்களும் உங்களுக்கு ஜென்ம நட்சத்திரமாக வேலை செய்யும்.

சம்பத்து தாரை நட்சத்திரங்கள் -

புனர்பூசம், விசாகம், பூரட்டாதி -

இந்த மூன்று நட்சத்திரங்களும் உங்களுக்கு சம்பத்து தாரை நட்சத்திரங்கள். இந்த நட்சத்திரங்கள் வரும் நாட்களில் உங்களுக்கு முழுமையான நற்பலன்கள் நடக்கும்.

க்ஷேம தாரை நட்சத்திரங்கள்

ஆயில்யம், கேட்டை, ரேவதி -

இந்த மூன்று நட்சத்திரங்களும் க்ஷேம தாரை நட்சத்திரங்கள். இந்த நட்சத்திரங்கள் வரும் நாட்களில் உங்களுக்கு அதிகப்படியான வருமானம் கிடைக்கக்கூடியதாக இருக்கும்.

சாதக தாரை நட்சத்திரங்கள் -

பரணி பூரம் பூராடம் -

இந்த மூன்று நட்சத்திரங்களும் சாதக தாரை நட்சத்திரங்கள். இந்த நட்சத்திரங்கள் வரும் நாட்களில் உங்களுக்கு வாழ்க்கைக்குத் தேவையான அனைத்து விஷயங்களும் மிக எளிதாகக் கிடைக்கும்.

மைத்ர தாரை நட்சத்திரங்கள் -

ரோகிணி, அஸ்தம், திருவோணம் -

இந்த மூன்று நட்சத்திரங்களும் மைத்ர தாரை நட்சத்திரங்கள். லாபம் தரக்கூடிய நட்சத்திரங்கள்.

அதி மைத்ர தாரை நட்சத்திரங்கள் -

மிருகசீரிடம், சித்திரை, அவிட்டம் -

இந்த மூன்று நட்சத்திரங்களும் அதி மைத்ர தாரை நட்சத்திரங்கள். இந்த நட்சத்திரம் வரும் நாட்களில் மேற்கொள்ளும் எந்தக் காரியமும் அதிகப்படியான நன்மைகளை தரக் கூடியதாக இருக்கும்.

விபத்து தாரை நட்சத்திரங்கள் -

பூசம், அனுஷம், உத்திரட்டாதி -

இந்த மூன்று நட்சத்திரங்களும் விபத்து தாரை நட்சத்திரங்கள். பயணங்கள் மேற்கொள்ளக் கூடாது, கடன் வாங்கக்கூடாது.

பிரத்தியக்கு தாரை நட்சத்திரங்கள் -

அஸ்வினி, மகம், மூலம் -

இந்த மூன்று நட்சத்திரங்களும் பிரத்தியக்கு தாரை நட்சத்திரங்கள். உங்களால் மற்றவர்களுக்கு ஆதாயம் கிடைக்கும். உங்களுக்கு எந்தவிதமான ஆதாயமும் கிடைக்காது.

வதை தாரை நட்சத்திரங்கள் -

கார்த்திகை, உத்திரம், உத்திராடம் -

இந்த மூன்று நட்சத்திரங்களும் வதை தாரை நட்சத்திரங்கள். இந்த நட்சத்திரங்கள் வரும் நாட்களில் மேற்கொள்ளும் எந்தக் காரியமும் உங்களுக்கு எதிராகத் திரும்பும். கடும் வேதனைகளைச் சந்திக்க வேண்டியது வரும்.

****************************************

புனர்பூசம் நட்சத்திரம்

புனர்பூசம் நட்சத்திரத்தையும் அதற்கான அந்த நட்சத்திரத்துக்கான தாரா பலன் தரும் நட்சத்திரங்களையும் பார்ப்போம்.

ஜென்ம தாரை நட்சத்திரங்கள் -

புனர்பூசம், விசாகம், பூராட்டாதி -

இந்த மூன்று நட்சத்திரங்களும் உங்களுக்கு ஜென்ம நட்சத்திரமாக வேலை செய்யும்.

சம்பத்து தாரை நட்சத்திரங்கள் -

பூசம், அனுஷம், உத்திரட்டாதி -

இந்த மூன்று நட்சத்திரங்களும் சம்பத்து தாரை நட்சத்திரங்கள். முழுமையான வெற்றி கிடைக்கும். பலவித யோகங்களைத் தரும்.

க்ஷேம தாரை நட்சத்திரங்கள் -

அஸ்வினி, மகம், மூலம் -

இந்த மூன்று நட்சத்திரங்களும் க்ஷேம தாரை நட்சத்திரங்கள். பலவித நன்மைகள் நடக்கும். ஆதாயம் பெருகும்.

சாதக தாரை நட்சத்திரங்கள் -

கார்த்திகை, உத்திரம், உத்திராடம் -

இந்த மூன்று நட்சத்திரங்களும் சாதக தாரை நட்சத்திரங்கள். எந்தவொரு காரியத்தில் ஈடுபட்டாலும் முழுமையான நன்மைகளைத் தரக் கூடியதாக இருக்கும். பலவித ஆதாயங்கள் உண்டாகும்.

மைத்ர தாரை நட்சத்திரங்கள் -

மிருகசீரிடம், சித்திரை, அவிட்டம் -

இந்த மூன்று நட்சத்திரங்களும் மைத்ர தாரை நட்சத்திரங்கள். இரட்டிப்பு லாபம், பயணங்களால் ஆதாயம் போன்றவை கிடைக்கும்.

அதி மைத்ர தாரை நட்சத்திரங்கள் -

திருவாதிரை, சுவாதி, சதயம் -

இந்த மூன்று நட்சத்திரங்களும் அதி மைத்ர தாரை நட்சத்திரங்கள். அதிகப்படியான நன்மைகளும் யோகங்களும் கிடைக்கும்.

விபத்து தாரை நட்சத்திரங்கள் -

பூசம், அனுஷம், உத்திரட்டாதி -

இந்த மூன்று நட்சத்திரங்களும் விபத்து தாரை நட்சத்திரங்கள். பயணங்கள் மேற்கொள்ளக் கூடாது, கடன் வாங்கக்கூடாது. புதிய காரியங்கள் தொடங்கக் கூடாது.

பிரத்தியக்கு தாரை நட்சத்திரங்கள் -

அஸ்வினி, மகம், மூலம் -

இந்த மூன்று நட்சத்திரங்களும் பிரத்தியேக தாரை அதாவது பிறருக்கு நன்மை....ஆனால், உங்களுக்கு எந்த வகையிலும் பயன்படாத நட்சத்திரங்கள்.

வதை தாரை நட்சத்திரங்கள் -

கார்த்திகை, உத்திரம், உத்திராடம் -

இந்த மூன்று நட்சத்திரங்களும் வதை தாரை நட்சத்திரங்கள். எந்தவொரு காரியமும் உங்களுக்கு எதிராகத் திரும்பி கடுமையான மன வேதனையைத் தரக்கூடியதாக இருக்கும்.

அடுத்து, பூசம், ஆயில்யம், மகம் நட்சத்திரங்களின் தாரா பலன்கள் குறித்த விவரங்களைப் பார்ப்போம்.

- வளரும்
**********************************