Published : 20 Sep 2020 16:56 pm

Updated : 20 Sep 2020 16:57 pm

 

Published : 20 Sep 2020 04:56 PM
Last Updated : 20 Sep 2020 04:57 PM

அஸ்தம், சித்திரை, சுவாதி ; வார நட்சத்திர பலன்கள் - (செப்டம்பர் 21 முதல் 27ம் தேதி வரை) 

vaara-natchatira-palangal

- ‘சொல்வாக்கு ஜோதிடர்’ ஜெயம் சரவணன்

அஸ்தம் -


நன்மைகள் அதிகமாக நடைபெறும் வாரம்.

எதிர்பார்த்த பணவரவு கிடைக்கும். தாமதமாகிக் கொண்டிருந்த சுபகாரிய பேச்சுவார்த்தைகள் இந்த வாரம் முடிவுக்கு வரும். சொந்தவீடு வாங்கும் முயற்சியில் இருப்பவர்களுக்கு இந்த வாரம் சாதகமான நிலை இருக்கிறது.

பாதியில் நின்ற கட்டிடப் பணிகள் தொடர்வதற்கான பண உதவிகளும் கிடைக்கும். வீடு வாங்க வங்கிக் கடன் எதிர்பார்த்தவர்களுக்கு, இதுவரை ஏற்பட்டிருந்த தடைகள் நீங்கி வங்கிக் கடன் கிடைக்கும்.

வேலையில் பெரிய மாறுதல்கள் ஏதும் இருக்காது. தொழிலில் முன்னேற்றம் ஏற்படும். தொழில் தொடர்பாக தேவையான உதவிகள் கிடைக்கும். தொழில் மீண்டும் வளர்ச்சிப் பாதையை நோக்கிச் செல்லும். புதுப்புது தொழில் ஒப்பந்த வாய்ப்புகள் தேடி வரும். அபார வளர்ச்சி அமோகமாக இருக்கும்.

இதுவரை நஷ்டத்தில் வியாபாரம் செய்தவர்கள் கூட இப்போது பல மடங்கு லாபத்தை பார்ப்பார்கள்.

பெண்கள் திருமண முயற்சிகள் கைகூடும். சகோதர வழியில் இருந்த வருத்தங்கள் நீங்கி ஒற்றுமை ஏற்படும். புத்திரபாக்கியம் இல்லாதவர்களுக்கு இப்பொழுது புத்திரபாக்கியம் உண்டாகும்.

மாணவர்களுக்கு கல்வி தொடர்பான உதவிகள் கிடைக்கும். கலைத் துறை சார்ந்தவர்களுக்கு புதிய வாய்ப்புகள் கிடைக்கும்.

இந்த வாரம் -

திங்கள் -
நிதானமாக செயல்பட்டு காரியங்களை சாதித்துக் கொள்ள வேண்டிய நாள் வருமானம் திருப்திகரமாக இருக்கும். ஒரு சில முயற்சிகள் தாமதமானாலும் வெற்றியைத் தரும். அலுவலகப் பணிகளில் அழுத்தங்கள் அதிகமாக இருக்கும். அடுத்தவர் வேலைகளையும் சேர்த்து செய்யவேண்டியது வரும். குடும்பச் செலவுகள் அதிகமாக இருக்கும்.

செவ்வாய் -
எடுத்துக்கொண்ட வேலைகள் அனைத்தும் வெற்றியைத் தரும். முயற்சி எடுக்காத விஷயங்கள் கூட இப்பொழுது தானாக முடியும். நீண்ட நாளாக பேசி வந்த ஒரு பிரச்சினை இன்று பேசி முடிவு எடுக்கப்படும். வியாபாரத்தில் வரவேண்டிய பாக்கிகள் வசூலாகும். தொழில் வளர்ச்சி சீராக இருக்கும்.

புதன் -
தேவைகள் பூர்த்தியாகும். உதவிகள் தேடிவரும். வியாபார வளர்ச்சி சீராக இருக்கும்.எதிர்பார்த்த பணவரவு கிடைக்கும்.தொழிலுக்குத் தேவையான உதவிகளும் கிடைக்கும். பணத்தேவைகள் உடனுக்குடன் பூர்த்தியாகும். நெருங்கிய நண்பர் ஒருவரால் நன்மைகள் நடைபெறும்.

வியாழன் -
எதிர்கால சிந்தனை அதிகரிக்கும். புதிதாக தொழில் தொடங்குவது அல்லது வியாபாரம் தொடங்குவது பற்றிய சிந்தனை அதிகரிக்கும். அது தொடர்பாக பலருடன் ஆலோசனை செய்வீர்கள். நண்பர்களோடு கூட்டாக சேர்ந்து செய்வதற்கான முயற்சிகளை மேற்கொள்வீர்கள்.

வெள்ளி -
நண்பர்களுக்கும், உறவினர்களுக்கும் ஒரு சில உதவிகளை செய்து கொடுப்பீர்கள். எதிர்பார்த்த பணவரவு உண்டு. வியாபார வளர்ச்சி சீராக இருக்கும். தொழில் தொடர்பாக எதிர்பார்த்த உதவிகள் கிடைக்கும். மாணவர்களுக்கு கல்வி தொடர்பான ஒரு சில உதவிகள் கிடைக்கும்.

சனி -
பயணங்கள் செய்ய வேண்டாம். செலவுகள் அதிகமாக இருக்கும். மருத்துவச் செலவு ஏற்படும் வாய்ப்புண்டு. எதிலும் நிதானமாகவும் கவனமாகவும் இருந்தால் பிரச்சினைகளை எளிதாக சமாளிக்கலாம்.

ஞாயிறு -
நன்மைகள் அதிகமாக நடக்கும். மனதில் உற்சாகம் பிறக்கும். ஆரோக்கிய குறைபாடுகள் தீரும். மருத்துவச் செலவு குறையும். குடும்பத்தாருடன் மகிழ்ச்சிகரமாக இருப்பீர்கள். நீண்ட நாளாக வராமலிருந்த பணம் இன்று கைக்கு வந்து சேரும். நண்பர்களால் வியாபாரம் தொடர்பான ஆதாயங்கள் கிடைக்கும்.

வணங்க வேண்டிய தெய்வம் -
ஸ்ரீஆஞ்சநேயர் வழிபாடு செய்யுங்கள். எதிர்பார்த்த அனைத்தும் கிடைக்கும்.
******************

சித்திரை -

அதிக அளவிலான நன்மைகள் நடைபெறும்.

எடுத்துக் கொண்ட முயற்சிகள் அனைத்தும் வெற்றியாகும். அச்சம் தந்து கொண்டிருந்த விஷயங்கள் அனைத்தையும் தைரியமாக எதிர்கொண்டு அனைத்தையும் முறியடிக்கும் வல்லமை கிடைக்கும்.

ஆரோக்கிய பிரச்சினைகள் தீரும். குறிப்பாக தாயாரின் உடல் நலத்தில் ஏற்பட்ட இந்த பாதிப்புகள் முற்றிலுமாக விலகும். சகோதரர்களுக்குள் ஒற்றுமை ஏற்படும். பாகப்பிரிவினைகள் ஒழுங்காகும். நெருங்கிய உறவினர்கள் அல்லது மனைவி வழி உறவினர்களால் ஆதாயம் கிடைக்கும்.

உத்தியோகத்தில் பெரிய மாறுதல்கள் ஏதும் இருக்காது. ஒரு சிலருக்கு கூடுதல் பொறுப்புகள் கிடைக்கும். தொழில் வளர்ச்சி நம்பிக்கைத் தரும். வியாபாரத்தில் எதிர்பாராத லாபம் கிடைக்கும்.

பெண்கள் கடந்த சில வாரங்களாக இருந்த ஆரோக்கிய பாதிப்புகள் முற்றிலுமாக நீங்கும். மருத்துவச் செலவுகள் குறையும். தாமதப்பட்டுக் கொண்டிருந்த புத்திர பாக்கியம் இப்போது உண்டாகும். சகோதர வகையில் உதவிகள் கிடைக்கும். குழந்தைகளைப் பற்றிய கவலை நீங்கும்.

மாணவர்களுக்கு விரும்பிய கல்வி கிடைக்கும். கலைஞர்களுக்கு புதிய வாய்ப்புகள் தொடர்பான பேச்சுவார்த்தைகள் நடக்கும்.

இந்த வாரம் -

திங்கள் -
எடுத்த காரியத்தை வெற்றிகரமாக முடிப்பீர்கள். எதிர்பார்த்த பணம் வரும். தொழில் தொடர்பாக வங்கிக் கடன் கிடைக்கும் வாய்ப்பு உண்டு. வியாபார வளர்ச்சி அமோகமாக இருக்கும். மனைவிவழி உறவினர்களால் உதவிகள் கிடைக்கப் பெறுவீர்கள். சிறு தூரப் பயணம் ஒன்று ஏற்படும். தரகு மற்றும் கமிஷன் தொழிலில் இருப்பவர்களுக்கு எதிர்பார்த்த லாபம் கிடைக்கும்.

செவ்வாய் -
நிதானம் மிக அவசியம். பயணங்கள் ஏதும் செய்ய வேண்டாம். தேவையில்லாத பிரச்சினைகளில் தலையிட வேண்டாம். அக்கம்பக்கத்தினருடன் அனுசரித்துச் செல்லுங்கள். யாரிடமும் எதற்காகவும் வாக்குவாதம் செய்ய வேண்டாம்.

புதன் -
எடுத்துக் கொண்ட அனைத்து செயல்களிலும் வெற்றி கிடைக்கும். பணவரவு எதிர்பார்த்தபடியே கிடைக்கும். வியாபாரத்தில் சிறப்பான லாபம் கிடைக்கும். குடும்பத்தில் சுப நிகழ்ச்சிகள் தொடர்பான விஷயங்கள் சாதகமாக இருக்கும்.

வியாழன் -
அலுவலகப் பணி சுமை கூடும். வேலைகளை கடும் நெருக்கடிக்கு இடையே செய்து முடிப்பீர்கள். தொழில் தொடர்பாக உதவிகள் கிடைக்கும். குடும்பத்தினர் தேவைகளைப் பூர்த்தி செய்து தருவீர்கள். குழந்தைகளின் எதிர்காலத்திற்காக ஒருசில முதலீடுகள் செய்யும் எண்ணம் தோன்றும். நண்பர்களால் ஆதாயம் ஏற்படும்.

வெள்ளி -
வியாபாரத்தில் லாபம் இருக்கும். தொழிலுக்காக எடுத்துக் கொள்ளும் முயற்சியில் முன்னேற்றம் ஏற்படும். தொலைபேசி வழித் தகவல் மன மகிழ்ச்சி தரும். புத்திர பாக்கியம் தொடர்பான நல்ல தகவல் கிடைக்கும். தூரத்து உறவினர் ஒருவரால் மன மகிழ்ச்சி தரும் செய்தி கிடைக்கும். அடகு வைத்த ஆபரணங்களை மீட்க பண உதவி கிடைக்கும்.

சனி -
நன்மைகள் அதிகமாக ஏற்படும். எதிர்பார்த்த அனைத்து விஷயங்களும் உங்களுக்கு சாதகமாகவே இருக்கும். பணவரவு தாராளமாக இருக்கும். குடும்ப ஒற்றுமை மேலோங்கும். குழந்தைகள் ஆரோக்கியத்தில் முன்னேற்றம் ஏற்படும். வியாபார விஷயமாக மேற்கொள்ளும் பயணத்தால் ஆதாயம் கிடைக்கும் ஒரு சிலருக்கு அதிர்ஷ்ட வாய்ப்புக்கள் வியாபார விஷயங்கள் முடிந்து லாபம் கிடைக்கும்.

ஞாயிறு -
பயணங்கள் எதுவும் மேற்கொள்ள வேண்டாம். மனதில் சஞ்சலம் ஏற்படுத்தும் சம்பவங்கள் நடக்கும். நிதானமும் பொறுமையும் மிக மிக அவசியம். குடும்பத்தாருடனும் நண்பர்களிடமும் பொறுமையாகப் பேசுங்கள். நிதானத்தை இழக்க வேண்டாம்.

வணங்க வேண்டிய தெய்வம் -
ஸ்ரீமகாலட்சுமி தாயாரை வணங்குங்கள் அனைத்து நன்மைகளும் நடக்கும்.
*******************

சுவாதி -

எடுத்துக்கொண்ட முயற்சிகள் அனைத்திலும் வெற்றி கிடைக்கும்.

கடந்த சில வாரங்களாக ஏற்பட்டிருந்த அநாவசிய செலவுகள் இனி இருக்காது. குறிப்பாக மருத்துவச் செலவுகள் அதிகமாக இருந்திருக்கும். இனி மருத்துவச் செலவுகள் இருக்காது.

வருமானம் திருப்திகரமாக இருக்கும். குடும்பத்தினர் தேவைகளை பூர்த்தி செய்து தரக்கூடிய அளவிற்கு வருமானம் பெருகும். குழந்தைகளின் ஆரோக்கியத்தில் ஏற்பட்டிருந்த பாதிப்புகள் முற்றிலுமாக தீரும்.

உத்தியோகத்தில் மனத் திருப்தி உண்டாகும். தொழிலில் எதிர்பாராத நன்மைகள் நடக்கும். தேவையான உதவிகள் கிடைக்கும். வியாபார வளர்ச்சி சீராக இருக்கும். வியாபாரத்தில் புதிய யுத்திகளைக் கையாண்டு வெற்றி காண்பீர்கள்.

பெண்கள் தங்கள் ஆரோக்கியத்தில் நல்ல முன்னேற்றம் காண்பார்கள். வீட்டிலிருந்தே செய்யக்கூடிய சிறு தொழில்களை செய்யும் ஆர்வம் ஏற்படும். திருமண முயற்சிகள் கைகூடும். இதுவரை புத்திரபாக்கியம் இல்லாதவர்களுக்கு புத்திரபாக்கியம் உண்டாகும்.

மாணவர்களுக்கு கல்வியில் நல்ல முன்னேற்றம் ஏற்படும். தேர்வுகளில் நல்ல மதிப்பெண் கிடைக்கப் பெறுவார்கள். கலைஞர்களுக்கு எதிர்பாராத புதிய ஒப்பந்தம் ஒன்று ஏற்படும்.

இந்த வாரம் -

திங்கள் -
நிதானத்தை இழக்காமல் இருக்க வேண்டும். எந்த ஒரு விஷயத்தையும் பொறுமையாக கையாளவும். பயணங்களை மேற்கொள்ள வேண்டாம். கோபத்தைக் கட்டுப்படுத்த வேண்டும். தொழில் மற்றும் வியாபாரத்தில் அதிக கவனம் செலுத்த வேண்டும். குடும்பத்தாருடன் இணக்கமாக இருங்கள். தேவையில்லாத பிரச்சினைகளை நீங்களாகவே வளர்த்துக் கொள்ளாதீர்கள்.

செவ்வாய் -
சொத்து சம்பந்தமான பிரச்சினைகள் முடிவுக்கு வந்து தீர்வு ஏற்படும். பண வரவு உண்டு. குடும்பத்திற்காக அத்தியாவசியச் செலவு செய்ய வேண்டியதிருக்கும். வியாபார வளர்ச்சி சீராக இருக்கும். தேவைகள் பூர்த்தியாகும்.

புதன் -
அவசர முடிவுகள் எடுக்க வேண்டாம். தேவையில்லாத பிரச்சினைகளில் தலையிடாதீர்கள். சமூக வலைதள பயன்பாட்டில் இருந்து விலகியிருங்கள். நண்பர்களிடமும் உறவினர்களிடமும் கவனமாகப் பேசுங்கள். கோபத்தை முற்றிலுமாகத் தவிர்க்க வேண்டும்.

வியாழன் -
திட்டமிட்ட காரியங்கள் அனைத்தும் திட்டமிட்டபடி நடக்கும். பணவரவு தாராளமாக இருக்கும். எதிர்பார்த்த வங்கிக் கடன் கிடைக்கும். நீண்ட நாளாக வராமலிருந்த பணம் இப்போது திரும்பக் கிடைக்கும் வாய்ப்பு உள்ளது. திருமண முயற்சிகள் முடிவாகும்.

வெள்ளி -
அதிக நன்மைகள் நடைபெறும்.சுப காரிய பேச்சுக்கள் மனதிற்கு நிறைவைத்தரும். வருமானம் அதிகரிக்கும். தேவைகள் நிறைவேறும். வியாபாரத்தில் எதிர்பார்த்த லாபம் கிடைக்கும் சொத்து சம்பந்தமான பிரச்சினைகள் சுமுகமான தீர்வு ஏற்படும். கணவன்-மனைவிக்குள் அந்நியோன்யம் அதிகரிக்கும்.

சனி -
தொழில் தொடர்பான ஒரு சில பிரச்சினைகளை முடிவுக்குக் கொண்டு வருவீர்கள். ஆதாயம் ஏற்படும் ஒரு வியாபார வருவாய் ஏற்படும். எதிர்பார்த்த பணம் கிடைக்கும். குடும்பத்தினர் ஒத்துழைப்பு சிறப்பாக இருக்கும் வாழ்க்கைத்துணையின் உடல்நலத்தில் முன்னேற்றம் ஏற்படும் குடும்பத்தார் மீதான அக்கறை கூடும்.

ஞாயிறு -
வீட்டு பராமரிப்புச் செலவுகள் கூடும். முடிக்க முடியாமல் இருந்த அலுவலகப் பணிகளை இன்றும் தொடர்ந்து செய்ய வேண்டியது வரும். தொழில் தொடர்பான சந்திப்புகளில் மனநிறைவு ஏற்படும். எதிர்பார்த்த பண உதவி தாமதமாகலாம்.

வணங்க வேண்டிய தெய்வம் -
நவக்கிரக வழிபாடு செய்யுங்கள். கோளறு பதிகம் படியுங்கள். நன்மைகள் நடக்கும். முயற்சிகளில் வெற்றி கிடைக்கும்.
********************

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.


தவறவிடாதீர்!


அஸ்தம்சித்திரைசுவாதி ; வார நட்சத்திர பலன்கள் - (செப்டம்பர் 21 முதல் 27ம் தேதி வரை)சுவாதிவார நட்சத்திர பலன்கள்சொல்வாக்கு ஜோதிடர் ஜெயம் சரவணன்AsthamChithiraiSwathiVaara natchatira palangal

Sign up to receive our newsletter in your inbox every day!

You May Like

More From This Category

More From this Author

x