இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: உறவினர்கள், நண்பர்களால் அனுகூலம் உண்டு. நீண்ட இழுபறியாக இருந்த மகளின் திருமண பேச்சுவார்த்தையில் நல்ல முடிவு கிடைக்கும். வழக்கில் வெற்றியுண்டு.

ரிஷபம்: வெளிவட்டாரத்தில் மதிக்கப்படுவீர்கள். அடிமனதில் நிலவி வந்த தாழ்வு மனப்பான்மை நீங்கும். சோம்பல் நீங்கி சுறுசுறுப்படைவீர்கள். விருந்தினர் வருகை உண்டு.

மிதுனம்: தொட்ட காரியங்கள் துலங்கும். தனிப்பட்ட முறையில் சில முக்கிய முடிவுகளை தைரியமாக எடுப்பீர்கள். வெளிவட்டாரத்தில் செல்வாக்கு, மதிப்பு, மரியாதை கூடும்.

கடகம்: எதிர்பார்ப்புகள் தடங்கலின்றி நிறைவேறும். ஆன்மிகப் பெரியோரின் ஆசி கிடைக்கும். பிள்ளைகளால் மனநிம்மதி உண்டு. கல்யாண முயற்சிகள் நல்ல விதத்தில் முடியும்.

சிம்மம்: சோர்வு, களைப்பு வந்து நீங்கும். வீண்பழி சொல்லுக்கு ஆளாவீர்கள். புதிய வாய்ப்புகள் குறித்து நன்கு ஆலோசித்து முடிவெடுங்கள். வாகனம் திடீர் செலவு வைக்கும்.

கன்னி: வீட்டுக்குத் தேவையான பொருட்கள் வாங்குவீர்கள். நல்ல இடவசதியுடன் கூடிய வீட்டுக்கு குடிபுகுவீர்கள். விருந்தினர் வருகையால் வீடு கலகலப்பாகும். பணவரவு உண்டு.

துலாம்: பிள்ளைகளால் மகிழ்ச்சியுண்டாகும். பிரபலங்களின் அறிமுகம் கிடைக்கும். புது திட்டங்கள் தீட்டுவீர்கள். தியானம், யோகா, ஆன்மிக காரியங்களில் ஈடுபாடு அதிகரிக்கும்.

விருச்சிகம்: திடீர் பணவரவு உண்டு. வெளிவட்டாரத்தில் மதிக்கப்படுவீர்கள். சகோதரர் வகையில் உதவியுண்டு. அக்கம்பக்கத்தினர் ஆதரவாக இருப்பார்கள். கலைப்பொருட்கள் சேரும்.

தனுசு: நீண்ட நாட்களாக எதிர்பார்த்திருந்த பணம் கைக்கு வரும். தந்தையின் உடல்நலம் சீராகும். புதிய பொறுப்புகள் தேடிவரும். பால்ய நண்பர்களை சந்தித்து மகிழ்வீர்கள்.

மகரம்: வீண் விரயம், பிள்ளைகளால் பொருட்செலவு ஏற்படும். வாகனம் பழுதாகும். அக்கம்பக்கத்தினருடன் அளவாகப் பழகுங்கள். அடுத்தவர் விவகாரத்தில் தலையிட வேண்டாம்.

கும்பம்: வரவேண்டிய பணம் கைக்கு வரும். பூர்வீக சொத்துப் பிரச்சினைகளுக்கு சுமுகத் தீர்வு கிடைக்கும். குலதெய்வ கோயிலுக்கு சென்று பிரார்த்தனையை நிறைவேற்றுவீர்கள்.

மீனம்: மறைமுக எதிர்ப்புகளை சாமர்த்தியமாக வெல்வீர்கள். கணவன் - மனைவிக்குள் நிலவி வந்த பனிப்போர் மறையும். பணவரவு திருப்தி தரும். திடீர் பயணம் ஏற்படலாம்.