Published : 25 Feb 2015 09:22 am

Updated : 25 Feb 2015 11:04 am

 

Published : 25 Feb 2015 09:22 AM
Last Updated : 25 Feb 2015 11:04 AM

கொலை வழக்கில் தொடர்புடையதாக கருதப்படும் எழும்பூர் வழக்கறிஞர்கள் 5 பேர் தொழில் செய்ய தடை: தமிழ்நாடு மற்றும் புதுச்சேரி பார் கவுன்சில் உத்தரவு

5

எழும்பூர் நீதிமன்றம் முன்பு வழக்கறிஞர் கே.ஸ்டாலின் கொலை செய்யப்பட்ட சம்பவத்தில் தொடர்புடையதாக கருதப்படும் ஏ.மைக்கேல் உள்ளிட்ட 5 பேர், வழக்கறிஞர்களாக தொழில் செய்ய தடை விதிக்கப்பட்டுள்ளது.

இது குறித்து தமிழ்நாடு மற்றும் புதுச்சேரி பார் கவுன்சில் தலைவர் டி.செல்வம் நேற்று வெளியிட்ட உத்தரவில் கூறியிருப்பதாவது:


கடந்த ஜனவரி 30-ம் தேதி சென்னை எழும்பூர் மாநகர குற்றவியல் நீதிமன்ற வளாகத்தில், வழக்கறிஞர்கள் சங்க தேர்தல் நடந்தது. இதில் வெற்றி பெற்றவர்களின் பட்டியல் அறிவிக்கப்பட்டபோது, தோல்வியுற்ற வேட்பாளரும் அவரது ஆதரவாளர்களும் வெற்றி பெற்ற தலைவர் மற்றும் அவரது ஆதரவாளர்களுடன் தகராறில் ஈடுபட்டுள்ளனர். ஏ.மைக்கேல், அவரது நண்பர்களான கே.ராஜேஷ், ஏ.சார்லஸ், ஆர்.நடராஜன், சி.பி.நரேஷ்குமார் மற்றும் அவர்களது ஆதரவாளர்கள் கற்களாலும், கைகளாலும் தாக்கியதில் கே.ஸ்டாலின் என்ற வழக்கறிஞர் உயிரிழந்தார்.

இந்த சம்பவம் குறித்து எழும்பூர் காவல் நிலையத்தில் குற்ற வழக்கு பதிவு செய்யப்பட்டுள்ளது. இச்சம்பவம் வழக்கறிஞர் சமுதாயத்துக்கே பெரிய அவமானத்தையும், அவப் பெயரையும் ஏற்படுத்தியுள்ளது.

இந்த சம்பவத்தில் தொடர் புள்ளதாக கருதப்படும் ஏ.மைக்கேல், கே.ராஜேஷ், ஏ.சார்லஸ், ஆர்.நடராஜன், சி.பி.நரேஷ்குமார் ஆகிய 5 வழக்கறிஞர்கள் தொடர்ந்து தொழில் செய்ய தடை விதிக்கவும், ஒழுங்கு நடவடிக்கை எடுக்கவும் பார் கவுன்சில் தீர்மானம் நிறைவேற்றியுள்ளது.

ஒழுங்கு நடவடிக்கை விசாரணை முடியும்வரை இந்த 5 வழக்கறிஞர்களும் எந்த நீதிமன்றங்களிலும், தீர்ப்பாயங் களிலும் நேரிலோ அல்லது வேறு நபர்கள் மூலமாகவோ வழக்கறிஞர் தொழில் செய்ய தடை செய்யப்படுகிறது. மேலும் எழும்பூர் வழக்கறிஞர் சங்கத்துக்கும், அங்கீகாரப் பதிவை ஏன் ரத்து செய்யக்கூடாது? என்பதற்கான விளக்கம் கேட்டு நோட்டீஸ் அனுப்பப்பட்டுள்ளது.

இவ்வாறு அந்த உத்தரவில் கூறப்பட்டுள்ளது.

கொலை வழக்குஎழும்பூர் வழக்கறிஞர்கள்5 பேர் தொழில் செய்ய தடைபார் கவுன்சில் உத்தரவு

You May Like

More From This Category

More From this Author