Published : 02 Mar 2015 19:35 pm

Updated : 02 Mar 2015 19:35 pm

 

Published : 02 Mar 2015 07:35 PM
Last Updated : 02 Mar 2015 07:35 PM

ஐசிசி ஒருநாள் தரவரிசையில் அஸ்வின், ஷமி முன்னேற்றம்

ஐசிசி ஒருநாள் கிரிக்கெட் தரவரிசைப் பட்டியலில் இந்திய பந்துவீச்சாளர்கள் அஸ்வின், ஷமி ஆகியோர் குறிப்பிடத்தக்க முன்னேற்றம் கண்டுள்ளனர்.

அதேவேளையில், இந்திய கேப்டன் தோனியும் துணைக் கேப்டன் விராட் கோலியும் சற்றே பின்னடைவைச் சந்தித்துள்ளனர்.


ஒருநாள் கிரிக்கெட் பந்துவீச்சாளர் தரவரிசைப் பட்டியலில், அஸ்வின் 6 இடங்கள் முன்னேற்றம் கண்டு 16-வது இடத்தைப் பிடித்துள்ளார். தற்போது நடைபெற்று வரும் உலகக் கோப்பையில் இவர் 8 விக்கெட்டுகளை வீழ்த்தியிருப்பது, இந்த முன்னேற்றத்துக்கு வகை செய்துள்ளது.

உலகக் கோப்பையில் சிறப்பாக பந்துவீசி வரும் முகமது ஷமி 14 இடங்கள் முன்னேற்றம் கண்டு 11-வது இடத்தை அடைந்துள்ளார்.

பாகிஸ்தான் ஸ்பின்னர் சயீத் அஜ்மல் பவுலிங் தரவரிசையில் தொடர்ந்து முன்னிலையில் உள்ளார்.

பேட்டிங்கில் சற்றே பின்னடைவு கண்டுள்ள விராட் கோலி ஓர் இடம் பின்தங்கி 4-ம் இடத்திலும், தோனி இரண்டு இடங்கள் பின்னடவைச் சந்தித்து 10-ம் இடத்திலும் உள்ளனர். ஷிகர் தவண் தொடர்ந்து 7-வது இடத்தில் நீடிக்கிறார்.

பேட்டிங் தரவரிசையில் தென் ஆப்பிரிக்க கேப்டன் டிவில்லியர்ஸ் முதலிடத்திலும், இலங்கையின் சங்ககாரா மற்றும் தென் ஆப்பிரிக்காவின் ஆம்லா ஆகியோர் இரண்டாம் இடத்திலும் உள்ளனர்.

இந்தியாவின் ரவீந்திர ஜடேஜா ஆல்ரவுண்டர்கள் தரவரிசையில் தொடர்ந்து 7-வது இடத்தில் நீடிக்கிறார்.

ஒருநாள் போட்டிகளின் தரவரிசையில், ஆஸ்திரேலியா (120 புள்ளிகள்) தொடர்ந்து முதலிடத்தில் நீடிக்கிறது. அந்த அணியை விட 4 புள்ளிகள் குறைவாக உள்ள இந்தியா இரண்டாம் இடத்தில் உள்ளது. தென் ஆப்பிரிக்கா மூன்றாம் இடத்திலும், இலங்கை 4-ம் இடத்திலும் உள்ளன.

கிரிக்கெட்ஐசிசி தரவரிசைஒருநாள் தரவரிசை பட்டியல்உலகக் கோப்பைCricketCWC 2015

You May Like

More From This Category

More From this Author