Published : 09 Apr 2014 07:57 am

Updated : 09 Apr 2014 07:57 am

 

Published : 09 Apr 2014 07:57 AM
Last Updated : 09 Apr 2014 07:57 AM

மக்களவைத் தேர்தல்: 6 தொகுதிகளில் 2-ம் கட்ட வாக்குப்பதிவு தொடங்கியது

6-2

மக்களவைத் தேர்தலின் இரண்டாம்கட்ட வாக்குப் பதிவு 4 வடகிழக்கு மாநிலங்களில் உள்ள 6 தொகுதிகளில் பலத்த பாதுகாப்புடன் தொடங்கியது.

மிசோரம் மாநிலத்தில் புதன்கிழமை நடைபெறுவதாக அறிவிக்கப்பட்ட வாக்குப்பதிவு வெள்ளிக்கிழமைக்கு (ஏப். 11) தள்ளிவைக்கப்பட்டுள்ளது.


16-வது மக்களவைத் தேர்தல் நாடு முழுவதும் ஏப்ரல் 7-ம் தேதி தொடங்கி மே 12-ம் தேதி வரை 9 கட்டங்களாக நடைபெறுகிறது. இதில் முதல்கட்ட வாக்குப்பதிவு அசாமில் 5, திரிபுராவில் 1 என 6 தொகுதியில் திங்கள்கிழமை நடைபெற்றது. இந்நிலையில் இரண்டாம் கட்ட வாக்குப்பதிவு, நாகலாந்து, மணிப்பூர் மாநிலங்களில் தலா 1 தொகுதியிலும், அருணாச்சலப்பிரதேசம், மேகாலயா ஆகிய மாநிலங்களில் தலா 2 தொகுதிகளிலும் இன்று நடைபெறுகிறது.

அருணாச்சலப்பிரதேசத்தில் மக்களவைத் தேர்தலுடன் அம்மாநில சட்டமன்ற தேர்தலும் நடைபெறுகிறது. இதையொட்டி இன்று 2 மக்களவை தொகுதிகளுடன் 49 சட்டமன்ற தொகுதிகளுக்கும் வாக்குப்பதிவு நடைபெறுகிறது.

இதனிடையே ஒரே மக்களவை தொகுதியைக் கொண்ட மிசோரம் மாநிலத்தில் புதன்கிழமை நடைபெறுவதாக அறிவிக்கப்பட்ட வாக்குப்பதிவு வெள்ளிக்கிழமைக்கு தள்ளி வைக்கப்பட்டது.

மக்களவை தேர்தல்2-ம் கட்ட வாக்குப்பதிவு

You May Like

More From This Category

More From this Author