வீரபத்திர சுவாமி கோயிலில் குடமுழுக்கு விழா :

திருவண்ணாமலை: திருவண்ணாமலை மாவட்டம் தண்டராம்பட்டு அடுத்த கொழுந்தம்பட்டு கிராம குளக்கரையில்  அகோர வீரபத்திர சுவாமி கோயில் புதிதாக கட்டப்பட்டது. இதையடுத்து, கணபதி ஹோமத்துடன் குடமுழுக்கு விழா கடந்த 15-ம் தேதி தொடங்கியது. மகாலட்சுமி ஹோமம், கோ பூஜை, யாக பூஜைகள் உள்ளிட்ட யாகங்கள் நடைபெற்றன. பின்னர், அகோர வீரபத்திர சுவாமி கோயில் கோபுரம் மீது நேற்று காலை புனித நீர் ஊற்றப்பட்டு குடமுழுக்கு விழா நடைபெற்றது.இதில், கொழுந்தம்பட்டு மற்றும் சுற்றுப் பகுதி கிராமங்களைச் சேர்ந்த பக்தர்கள் கலந்துகொண்டு தரிசனம் செய்தனர்.