ஒடிசாவில் : மே 5-ம் தேதி முதல் : 14 நாட்கள் ஊரடங்கு :

ஒடிசா மாநிலத்தில் கடந்த சனிக்கிழமை கரோனாவால் பாதிக்கப்பட்டவர்களின் எண்ணிக்கை 10 ஆயிரத்தை தாண்டியது. எனினும் ஞாயிற்றுக்கிழமை சற்று குறைந்தது. மாநிலம் முழுவதும் மொத்தம் 4 லட்சத்து 62 ஆயிரத்து 622 பேர் கரோனாவால் பாதிக்கப்பட்டனர். அவர்களில் குணமடைந்தோர் தவிர 69 ஆயிரத்துக்கும் மேற்பட்டோர் சிகிச்சை பெற்று வருகின்றனர். உயிரிழப்பு 2,068 ஆனது.

இதையடுத்து, வரும் 5-ம் தேதி முதல் 19-ம் தேதி வரை மாநிலம் முழுவதும் முழு ஊரடங்கு பிறப்பிக்கப்பட்டுள்ளது. இதற்கான உத்தரவை சிறப்பு நிவாரணத் துறை ஆணையர் நேற்றுபிறப்பித்தார். கடும் கட்டுப்பாடுகளுடன் வார நாட்களில் போக்குவரத்து சிலவற்றுக்கு விதிவிலக்கு அளிக்கப்பட்டுள்ளது. ஆனால், சனி, ஞாயிற்றுக்கிழமைகளில் முழு ஊரடங்கு அமலில்இருக்கும் என்று தெரிவிக்கப்பட்டுள்ளது.