சென்னை: பிரதமர் நரேந்திர மோடியின் 72-வது பிறந்த நாளையொட்டி, அவருக்கு தமிழக ஆளுநர் ஆர்.என்.ரவி, முதல்வர் மு.க.ஸ்டாலின் மற்றும் அரசியல் கட்சித் தலைவர்கள் வாழ்த்து தெரிவித்துள்ளனர்.
அவர்கள் வெளியிட்ட வாழ்த்துச் செய்தியில் கூறியிருப்பதாவது:
ஆளுநர் ஆர்.என்.ரவி: பிரதமர் மோடியின் பிறந்த நாளில், தேச சேவையில் நீண்ட ஆரோக்கியத்துடன் அவர் வாழ தமிழக மக்களின் சார்பாக வாழ்த்துகளைத் தெரிவித்துக் கொள்கிறேன்.
முதல்வர் மு.க.ஸ்டாலின்: பிரதமர் நரேந்திர மோடிக்கு பிறந்தநாள் வாழ்த்துகள். நீங்கள் நீண்ட ஆயுளுடனும், ஆரோக்கியத்துடனும் வாழ வாழ்த்துகிறேன்.
சட்டப்பேரவை எதிர்க்கட்சித் தலைவர் பழனிசாமி: தொலைநோக்குப் பார்வை கொண்டவரும், துடிப்புமிக்கத் தலைவருமான பிரதமர் நரேந்திர மோடிக்கு உளங்கனிந்த பிறந்தநாள் வாழ்த்துகள். நமது தேசம், உலகை வழிநடத்துவதற்கான உங்களது திட்டம் விரைவில் ஈடேற வாழ்த்துகள்.
பாமக நிறுவனர் ராமதாஸ்: பிரதமர் மோடியின் 72-வது பிறந்த நாளில் அவர் மகிழ்ச்சியுடனும், நல்ல ஆரோக்கியத்துடனும், நீண்ட ஆயுளுடனும் வாழ வேண்டும். நாட்டுக்குச் சேவையாற்ற வேண்டும் என்று வாழ்த்துகிறேன்.
தமாகா தலைவர் ஜி.கே.வாசன்: நல்லரசாக செயல்பட்டுக் கொண்டிருக்கிற மத்திய அரசை வல்லரசாக மாற்றக் கூடிய தங்களது கடின உழைப்புக்கும், நாட்டுப்பற்றுக்கும், தொடர்பணிக்கும் இந்நாளிலே நல்ல உடல் ஆரோக்கியத்தையும், நீண்ட ஆயுளையும் இறைவன் கொடுக்க வாழ்த்துகிறேன்.
பாமக தலைவர் அன்புமணி: பிரதமர் மோடியின் 72-வது பிறந்த நாளில் உளமார்ந்த வாழ்த்துகளைத் தெரிவித்துக் கொள்கிறேன். அவர் மேலும் பல ஆண்டுகள் நல்ல உடல் நலம் பெற்று, மகிழ்ச்சியுடன் வாழ வேண்டும். பொதுவாழ்வில் வெற்றி பெற்று, நாட்டுக்கும், மக்களுக்கும் சேவையாற்ற வேண்டும் என்றும் வாழ்த்துகிறேன்.
பாரிவேந்தர் எம்.பி.: நீண்டஆயுளுடனும், ஆரோக்கியத்துடனும் இருந்து, இந்திய நாட்டை முன்னேற்றப் பாதையில் அழைத்துச் செல்ல இறைவன் அருள் எப்போதும் அவருக்குத் துணையிருக்கும்.
பெருந்தலைவர் மக்கள் கட்சித்தலைவர் என்.ஆர்.தனபாலன்: பிரதமர் நரேந்திர மோடி நீண்டஆயுளுடனும், ஆரோக்கியத்துடனும், ஆயிரம் பிறை கண்டு, வாழ்வாங்கு வாழ்ந்து இந்திய தேசத்துக்குப் பெருமை சேர்க்க வேண்டும்.
முக்கிய செய்திகள்
சினிமா
13 mins ago
தமிழகம்
31 mins ago
க்ரைம்
38 mins ago
வணிகம்
42 mins ago
சினிமா
39 mins ago
கருத்துப் பேழை
1 hour ago
உலகம்
1 hour ago
வணிகம்
1 hour ago
இந்தியா
1 hour ago
இந்தியா
1 hour ago
இந்தியா
1 hour ago
இந்தியா
1 hour ago