வடசென்னை தேமுதிகவுக்கு 3 புதிய பொறுப்பாளர்கள்

வடசென்னை மாவட்ட தேமுதிக செயலாளராக இருந்த யுவராஜ், நேற்று திடீரென திமுகவில் இணைந்தார். இதையடுத்து வடசென்னை மாவட்ட தேமுதிக பொறுப்பாளர்களாக கு.நல்லதம்பி எம்எல்ஏ, மாவட்ட இளைஞரணி துணைச் செயலாளர் மு.தளபதி, தலைமை செயற்குழு உறுப்பினர் ப.மதிவாணன் ஆகிய 3 பேரை விஜயகாந்த் நியமித்துள்ளார்.

இதுகுறித்து நல்லதம்பி எம்எல்ஏ கூறும்போது, “எதையாவது எதிர்பார்த்து கட்சிக்கு வருபவர்கள் , அது கிடைக்காதபோது கட்சியை விட்டு செல்வது வழக்கம். அப்படித்தான் யுவராஜின் நடவடிக்கை அமைந்துள்ளது. தேமுதிகவில் ரசிகர் மன்ற காலத்தில் இருந்து இருக்கிறேன். எனது திருமணத்தையே விஜயகாந்த்தான் நடத்தி வைத்தார். தேமுதிகவின் வெற்றிக்காக நாங்கள் பாடுபடுவோம்’’ என்றார்