தகுதியான ஒப்பந்ததாரர்கள் பதிவு செய்யப்படுவார்கள்: அமைச்சர் எடப்பாடி பழனிசாமி உறுதி

பொதுப்பணித் துறை ஒப்பந்ததாரர்களில் தகுதி யானவர்கள் பதிவு செய்யப் படுவார்கள் என சட்டப் பேரவையில் அமைச்சர் எடப்பாடி பழனிசாமி தெரி வித்தார்.

சட்டப்பேரவையில் நடந்த விவாத விவரம்:

நந்தகுமார் (திமுக):

ஆண்டு தோறும் செப்டம்பர், அக் டோபர் மாதங்களில் சாலைப் பணிகளுக்கான ஒப்பந்தம் கோரப்படும். ஆனால், கடந்த ஆண்டுக்கான ஒப் பந்தங்கள் இதுவரை கோரப் படவில்லை.

அமைச்சர் எடப்பாடி பழனிசாமி:

தற்போது ஒப்பந் தம் கோரப்பட்டுள்ளது. மார்ச் மாதத்தில் இறுதி செய்யப்படும். உறுப்பினர் ஒப்பந்ததாரர் என்பதால் இதை கேட்கிறார். ஒப்பந்த பணிகள் தொடங்கப்பட் டுள்ளன.

நந்தகுமார்:

பல பணி களுக்கான நிலுவைத் தொகைகள் இன்னும் வழங் கப்படவில்லை.

எடப்பாடி பழனிசாமி:

கடந்த ஆண்டு தாமதமாகத்தான் மானிய கோரிக்கை சமர்ப்பிக்கப்பட்டு, அதன் பின்னரே நிதி ஒதுக்கப் பட்டது. விரைவில் ஒப் பந்ததார்களுக்கான தொகை வழங்கப்படும்.

நந்தகுமார்:

புதிய ஒப் பந்ததார்கள் பதிவு நிறுத்தி வைக்கப்பட்டுள்ளது. தொடர்ந்து பதிவு செய்ய அனுமதிக்க வேண்டும்.

எடப்பாடி பழனிசாமி:

பணிக்கு ஒதுக்கப்படும் நிதிக்கு ஏற்ப ஒப்பந்ததாரர்கள் அழைக்கப்படுகின்றனர். அவர்கள் ஒவ்வொரு நிலையிலும் அதற்கான பணிகளை எடுத்து செய்து முடித்திருக்க வேண்டும். அதன் அடிப்படையில் தான் பதிவு செய்யப்படுகி்ன்ற னர்.

நந்தகுமார்:

படிப்படியாக ஒப்பந்ததார்கள் பதிவு செய்யப்பட வேண்டும்.

எடப்பாடி பழனிசாமி:

எல்லோரும் ஒப்பந்ததாரர்கள் ஆகிவிட்டால், கட்டப் பஞ்சாயத்து நடக்கும் சூழல் உருவாகும். அதனால்தான் தகுதியானவர்களுக்கு பணி வழங்கப்படுகிறது. தகுதியானவர்கள் நிச்சயமாக ஒப்பந்ததாரர்களாக பதிவு செய்ய அனுமதிக்கப்படு வார்கள்.

இவ்வாறு சட்டப் பேரவை யில் நேற்று விவாதம் நடந்தது.