கொல்லப்படும் கல்லணைக் கால்வாய்

ஒருங்கிணைந்த தஞ்சை, திருச்சி மாவட்டங்கள் காவிரியால் செழித்தன. ஆனால், இன்றைக்கு அதே காவிரியிலிருந்து பிரிந்து செல்லும் கல்லணைக் கால்வாயைக் கொல்லும் முயற்சி நடைபெற்றுவருகிறது.

திருச்சி மாவட்டம் கல்லணையிலிருந்து ஆலக்குடி வரை கல்லணைக் கால்வாயில் கான்கிரீட் தளம் அமைக்கப்பட்டுவருகிறது. இப்படிச் செய்வதன் மூலம் கல்லணை கால்வாயின் கடைமடைப் பகுதி வரை தண்ணீரை எடுத்துச்செல்ல முடியும் என்று காரணம் சொல்லப்படுகிறது.