மும்பை: ஹைதராபாத் அணிக்கு எதிராக 207 ரன்களைக் குவித்துள்ளது டெல்லி அணி. வார்னர், பவல் அசத்தலாக பேட்டிங் செய்தனர்.
நடப்பு ஐபிஎல் சீசனின் 50-வது லீக் போட்டியில் டெல்லி கேபிடல்ஸ் மற்றும் சன்ரைசர்ஸ் ஹைதராபாத் அணிகள் விளையாடி வருகின்றன. இந்தப் போட்டியில் டாஸ் வென்ற ஹைதராபாத் அணியின் கேப்டன் கேன் வில்லியம்சன், பவுலிங் தேர்வு செய்தார். டெல்லி அணி முதலில் பேட் செய்தது. அந்த அணியின் தொடக்க வீரர் மந்தீப் சிங் முதல் ஓவரில் ரன் ஏதும் எடுக்காமல் வெளியேறினார். மிட்சல் மார்ஷ் 10 ரன்களில் அவுட்டானார்.
தொடர்ந்து வந்த கேப்டன் பந்த், வார்னர் உடன் இணைந்து 48 ரன்களுக்கு பார்ட்னர்ஷிப் அமைத்தார். பந்த் 26 ரன்களில் அவுட்டானார். ரோவ்மேன் பவல் களத்திற்கு வந்தார். இருவரும் பேட்டிங்கில் அதிரடி காட்டினர். பவல் 35 பந்துகளில் 67 ரன்கள் விளாசினார். வார்னர் 58 பந்துகளில் 92 ரன்கள் சேர்த்திருந்தார். இருவரும் இறுதிவரை ஆட்டமிழக்கவில்லை. 20 ஓவர்கள் முடிவில் 3 விக்கெட்டுகள் இழப்பிற்கு 207 ரன்களை குவித்தது டெல்லி.
ஹைதராபாத் அணிக்காக புவனேஷ்வர் குமார், அபாட் மற்றும் ஷ்ரேயஸ் கோபால் தலா ஒரு விக்கெட் கைப்பற்றி இருந்தனர். இந்தப் போட்டியில் டெல்லி அணி பிளேயிங் லெவனில் 4 மாற்றங்களை செய்திருந்தது. ஹைதராபாத் அணி 3 மாற்றங்களை செய்திருந்தது. தற்போது ஹைதராபாத் அணி தனது இலக்கான 208 ரன்களை விரட்டுகிறது.
முக்கிய செய்திகள்
ஜோதிடம்
1 hour ago
ஜோதிடம்
1 hour ago
விளையாட்டு
6 hours ago
சினிமா
7 hours ago
விளையாட்டு
8 hours ago
வணிகம்
9 hours ago
தமிழகம்
9 hours ago
விளையாட்டு
10 hours ago
க்ரைம்
10 hours ago
சுற்றுச்சூழல்
10 hours ago
க்ரைம்
11 hours ago
இந்தியா
11 hours ago