ஐதராபாத்- பஞ்சாப் இன்று மோதல்

ஐபிஎல் தொடரில் இன்று இரவு 8 மணிக்கு ஐதராபாத்தில் நடைபெறும் ஆட்டத்தில் டேவிட் வார்னர் தலைமையிலான சன் ரைசர்ஸ் அணி, டேவிட் மில்லர் தலைமையிலான கிங்ஸ் லெவன் பஞ்சாப் அணியை எதிர்த்து விளையாடுகிறது.

முதல் இரு ஆட்டத்திலும் தோல்வியை சந்தித்த ஐதராபாத் அணிக்கு அடுத்த இரு ஆட்டத்திலும் கேப்டன் வார்னர் அதிரடியாக விளையாடி வெற்றி தேடிக்கொடுத்தார். ஷிகர் தவணும் பார்முக்கு திரும்பியிருப்பது அணியின் பலத்தை அதிகரித்துள்ளது.

மோர்கன், நமன் ஓஜா, ஹென்ரிக்ஸ் ஆகியோரும் பேட்டிங்கில் நம்பிக்கை அளிக்கக்கூடியவர்களாக உள்ளனர். பந்து வீச்சில் புவனேஷ்வர் குமார், முஸ்டாபிஸூர் ரஹ்மான் நெருக்கடி தரக்கூடும்.

பஞ்சாப் அணி 4 ஆட்டத்தில் 3 தோல்வி, ஒரு வெற்றி பெற்றுள்ளது. மனன் வோரா மட்டுமே தொடர்ச்சியாக சிறப்பாக விளையாடி வருகிறார். மேக்ஸ்வெல், டேவிட் மில்லர் ஆகியோர் பொறுப்பை உணர்ந்து அதிரடியாக விளையாடினால் வலுவான ஸ்கோரை குவித்து வெற்றிக்கு முயற்சிக்கலாம்.