மும்பை: இந்திய கிரிக்கெட்டி ரசிகர்களுக்கான பிரத்யேகப் பிரிவை சமூகவலைதளமான ட்விட்டர் உருவாக்கி உள்ளது. இதற்கான முன்னோட்டத்தை ட்விட்டர் தொடங்கியுள்ளது. இதற்காக ட்விட்டர் அதன் எக்ஸ்புளோர் பக்கத்தில் ஒரு பிரத்தியேக கிரிக்கெட் பிரிவை அறிமுகப்படுத்தியுள்ளது. இது, இந்தியாவில் ஆண்ட்ராய்டில் ட்விட்டரைப் பயன்படுத்தும் சில பயனாளர்களுக்கு கிடைக்கும்.
இந்த பிரிவின் மூலம் ரசிகர்கள் பிரத்யேக வீடியோ உள்ளடக்கம், நிகழ்நேர ஆட்ட புதுப்பிப்புகளை வழங்கும் ஸ்கோர் போர்டு, ஊடாடும் விட்ஜெட்களை அணுக முடியும். ஆங்கிலம், இந்தி, பெங்காலி, குஜராத்தி, கன்னடம், மராத்தி, பஞ்சாபி, தமிழ், தெலுங்கு உள்ளிட்ட ஏழு இந்திய மொழிகளில் தனிப்பயனாக்கப்பட்ட குழு எமோஜிகளை பயன்படுத்தி ரசிகர்கள்தங்கள் அணிகளை உற்சாகப் படுத்த முடியும்.
இதுகுறித்து ட்விட்டர் இந்தியாவின் தயாரிப்பு இயக்குநர் ஷிரிஷ் அந்தரே கூறும்போது, “எங்களின் புதிய கிரிக்கெட் பிரிவின் மூலம், மக்கள் தொடர்புடைய மற்றும் ஈர்க்கக்கூடிய உள்ளடக்கத்தைக் கண்டறிவதை எளிதாக்க விரும்புகிறோம், மேலும் ரசிகர்களிடையே உரையாடலை ஊக்குவிக்க விரும்புகிறோம். இவை அனைத்தும் நிகழ்நேரத்தில் ஸ்கோரைக் கண்காணிக்கும். #OnlyOnTwitter உள்ளடக்கத்தின் மூலம் வேறு எங்கும் கிடைக்காத நேரடி விளையாட்டு அனுபவத்தை வழங்க நாங்கள் முயற்சி செய்கிறோம் ”என்றார்.
ட்விட்டர் பிரத்யேக கிரிக்கெட் பக்கத்தில், களத்தில் இருந்து சமீபத்திய ட்விட்கள் மற்றும் புதுப்பிப்புகளை ரசிகர்கள் பின்தொடர முடியும்.
சிறந்த வீரர்கள் மற்றும் அணி தரவரிசை போன்ற உள்ளடக்க விட்ஜெட்டுகளுக்கான அணுகலை ரசிகர்கள் பெறலாம். களத்தில் நிகழ்வுகள் அதிகரிக்கும் போது, இந்த விட்ஜெட்டுகள் ரசிகர்களுக்கு நிகழ்நேரத்தில் அவர்களுக்குப் பிடித்தவை என்ன என்பதைப் பற்றிய சமீபத்திய செய்திகள் மூலம் சேவையாற்றும்.
ரசிகர்களுக்கு ஆழ்ந்த அனுபவத்தை வழங்க ட்விட்டர் பிரிவானது ஒளிபரப்பு மற்றும் கிரியேட்டர் பார்ட்னர்களுடன் கூட்டுசேர்ந்து, போட்டியின் தருணங்கள்,சிறப்பம்சங்கள் மற்றும் களத்திற்கு வெளியே நடைபெறும் சுவாரசியமான நிகழ்வுகளின் வீடியோ உள்ளடக்கத்தை வழங்கும். ரசிகர்கள் உரையாடல்களை மிகவும் நெருக்கமாகப் பின்தொடர கிரிக் கெட் பிரிவின் கீழ் ஐபிஎல் என்ற தலைப்பு கிடைக்கும்.
பிடித்த வீரர்கள் பட்டியல்..
ரசிகர்கள் தங்களுக்குப் பிடித்தஅணிகள் மற்றும் வீரர்களின் பிரத்யேக ட்விட்டர் பட்டியல்களையும் பின்பற்ற முடியும். ரசிகர்கள் போட்டியின் போது முக்கிய தருணங்களைப் பற்றி புஷ் அறிவிப்புகளைப் பெறலாம், இதனால் விளையாட்டின் ஒவ்வொரு தகுதியான தருணத்தையும் அவர்கள் தெரிந்துகொள்ளலாம். #Cricket Twitterஅனுபவத்தை ஒரு உச்சகட்டத்திற் குக் கொண்டுசெல்லும் வகையில், புகழ்பெற்ற இந்திய கிரிக்கெட் வர்ணனையாளர் ஹர்ஷா போக்லே ரசிகர்களின் கேள்விகளுக்கு பதில் அளிப்பார்.
தமிழ் ரசிகர்களை கவரும் வகையில் ஸ்டார் ஸ்போர்ட்ஸ் தமிழ் மற்றும் தமிழக கிரிக்கெட் வீரர்களான அபிநவ் முகுந்த், ராதாகிருஷ்ணன் ஆகியோருடன் இணைந்து குழு விவாதங்கள், போட்டி முன்னோட்டங்கள் மற்றும் மதிப்புரைகளை வழங்க உள்ளது.
முக்கிய செய்திகள்
தொழில்நுட்பம்
25 secs ago
சினிமா
18 mins ago
தமிழகம்
36 mins ago
க்ரைம்
43 mins ago
வணிகம்
47 mins ago
சினிமா
44 mins ago
கருத்துப் பேழை
2 hours ago
உலகம்
1 hour ago
வணிகம்
1 hour ago
இந்தியா
1 hour ago
இந்தியா
1 hour ago
இந்தியா
1 hour ago