ஐசிசி ஒருநாள் கிரிக்கெட் பேட்டிங் தரவரிசையில் முதல் 5 இடங்களில் விராட் கோலி, ஷிகர் தவன் ஆகிய 2 இந்திய வீரர்கள் இடம்பெற்றுள்ளனர்.
விராட் கோலி 3-ஆம் இடத்தில் நிலைத்திருக்க, ஷிகர் தவன் 4 இடங்கள் முன்னேறி 5-ஆம் இடத்திற்கு முன்னேறினார்.
காயம் காரணமாக இலங்கைக்கு எதிரான ஒருநாள் கிரிக்கெட் தொடரில் பங்கேற்காத தோனி ஒரு இடம் பின்னடைந்து 7-வது இடத்தில் உள்ளார்.
ஷிகர் தவன் இலங்கைக்கு எதிரான நடப்பு ஒருநாள் தொடரில் 283 ரன்களை 94.33 என்ற சராசரியின் அடிப்படையில் எடுத்து அபாரமாக விளையாடி வருவதால் 4 இடங்கள் முன்னேறியுள்ளார்.
பேட்டிங்கில் முதல் 2 இடங்களை தென் ஆப்பிரிக்க வீரர்களான டிவிலியர்ஸ் மற்றும் ஆம்லா ஆகியோர் தக்க வைத்துள்ளனர்.
பந்து வீச்சு தரவரிசையில் ஒரு இடம் முன்னேறியுள்ள புவனேஷ் குமார், தற்போது 6-வது இடத்தை பாகிஸ்தான் வீரர் மொகமது ஹபீஸுடன் பகிர்ந்து கொண்டுள்ளார்.
இன்னமும் சயீத் அஜ்மலே முன்னிலை வகிக்கும் ஒருநாள் பவுலிங் தரவரிசையில் இந்தியாவின் ஜடேஜா 2 இடங்கள் பின்னடைவு கண்டு 8-வது இடம் வகிக்கிறார்.
ஒருநாள் கிரிக்கெட் அணிகள் தரவரிசையில் இந்தியா தற்போது முதலிடம் வகிக்கிறது. அடுத்த 2 போட்டிகளையும் இந்தியா வென்றால் 117 தரவரிசைப் புள்ளிகளுடன் அசைக்க முடியாத இடத்தில் இருக்கும். ஆனால் இலங்கை மீதமுள்ள 2 போட்டிகளில் வென்றால் இந்தியா 114 தரவரிசைப் புள்ளிகளை மட்டுமே பெற்றிருக்கும்.
ஆஸ்திரேலியா-தென் ஆப்பிரிக்கா அணிகளுக்கு இடையே நாளை ஒருநாள் போட்டித் தொடர் துவங்குகிறது. இந்தத் தொடரில் ஆஸ்திரேலியா 3-2 என்று வென்றால் இந்தியா 114 புள்ளிகளை பெற்றிருக்கும் பட்சத்தில் ஆஸ்திரேலியா 115 தரவரிசைப் புள்ளிகளுடன் முதலிடம் செல்லும்.
அதே போல் தென் ஆப்பிரிக்கா ஆஸ்திரேலியாவை 3-2 என்று வீழ்த்தினால் தென் ஆப்பிரிக்கா 116 தரவரிசைப் புள்ளிகளைப் பெறும்.
ஆகவே இலங்கைக்கு எதிராக மீதமுள்ள 2 ஒருநாள் போட்டிகளையும் இந்தியா வென்று விட்டால் 117 தரவரிசைப்புள்ளிகளைக் கடந்து ஆஸ்திரேலியாவோ, தென் ஆப்பிரிக்காவோ முதலிடம் பிடிக்க கடுமையாகப் போராட வேண்டி வரும்.
முக்கிய செய்திகள்
தமிழகம்
18 mins ago
தமிழகம்
42 mins ago
தமிழகம்
44 mins ago
தமிழகம்
52 mins ago
இந்தியா
1 hour ago
இந்தியா
1 hour ago
இந்தியா
47 mins ago
தமிழகம்
2 hours ago
இந்தியா
1 hour ago
தமிழகம்
2 hours ago
உலகம்
3 hours ago
சினிமா
3 hours ago