வார ராசிபலன் 04-05-2017 முதல் 10-05-2017 வரை (மேஷம் முதல் கன்னி வரை)

மேஷ ராசி வாசகர்களே

உங்கள் ராசிக்கு 11-ல் கேதுவும் 12-ல் சுக்கிரனும் உலவுவது நல்லது. சூரியன் ஜன்ம ராசியில் இருந்தாலும் நலம் புரிவார். நண்பர்களும், உறவினர்களும் உங்களுக்கு ஆதரவாக இருப்பார்கள். மக்களால் அளவோடு நலம் உண்டாகும். அதிர்ஷ்ட வாய்ப்புக்கள் கூடிவரும். எதிர்ப்புக்களைச் சமாளித்து வருவீர்கள். தம்பதியர் உறவு நிலை சீராக இருந்துவரும். கூட்டுத் தொழில் லாபம் தரும். கெட்டவர்களின் தொடர்புக்கு இடம் தரலாகாது.

குறுக்கு வழிகளில் செல்ல வேண்டாம். யாருக்கும் ஜாமீன் கொடுக்காமல் இருப்பது நல்லது. வியாபாரிகள் அகலக்கால் வைக்கலாகாது. தொழிலதிபர்கள் புதிய துறைகளில் அதிகம் முதலீடு செய்ய இந்த நேரம் சிறப்பானதாகாது. ஆன்மிகப் பணியாளர்களுக்கு நற்பெயர் கிடைக்கும். தியானம், யோகா ஆகியவற்றில் ஈடுபாடு உள்ளவர்கள் தெளிவு பெறுவார்கள்.

அதிர்ஷ்டமான தேதிகள்: மே 7, 8, 10. l திசைகள்: வடமேற்கு, தென்கிழக்கு, கிழக்கு.

நிறங்கள்: சிவப்பு, வெண்மை, இளநீலம்.

எண்கள்: 1, 3, 6, 7.‎ l பரிகாரம்: துர்க்கை அம்மனை வழிபடுவது நல்லது.

ரிஷப ராசி வாசகர்களே

உங்கள் ராசிக்கு 5-ல் குருவும் 10-ல் கேதுவும் 11-ல் புதன், சுக்கிரனும் உலவுவது நல்லது. முன்னேற்றத்துக்கான தகவல் ஒன்று வந்து சேரும். பண வரவு அதிகரிக்கும். ஊகவணிகம் லாபம் தரும். போட்டிகளில் வெற்றி கிட்டும். நண்பர்களும் உறவினர்களும் பக்கபலமாக இருப்பார்கள். அலைச்சலும் உழைப்பும் வீண்போகாது. மக்கள் நலம் சீராகும். மக்களால் அனுகூலமும் உண்டாகும்.

எதிர்ப்புக்கள் இருந்தாலும் சமாளிப்பீர்கள். உத்தியோகஸ்தர்கள், கலைஞர்கள், வியாபாரிகள், ஆன்மிகவாதிகளுக்கு முன்னேற்றமான சூழ்நிலை நிலவிவரும். பெண்களின் முக்கியமான எண்ணங்கள் ஈடேறும். ஆடை, அணிமணிகள் சேரும். கேளிக்கை, உல்லாசங்களில் ஈடுபாடு கூடும். உஷ்ணாதிக்கத்தைக் குறைத்துக் கொள்ளவும்.

அதிர்ஷ்டமான தேதிகள்: மே 7, 8, 10. l திசைகள்: வடகிழக்கு, தென்கிழக்கு, வடக்கு, வடமேற்கு.

நிறங்கள்: மெரூன், வெண்மை, பொன் நிறம்.

எண்கள்: 3, 5, 6, 7. l பரிகாரம்: சூரியனுக்கும் துர்க்கைக்கும் நெய் விளக்கேற்றி பூக்களால் அர்ச்சிக்கவும்.

மிதுன ராசி வாசகர்களே

உங்கள் ராசிக்கு 3-ல் ராகுவும் 6-ல் சனியும், 10-ல் புதனும் 11-ல் சூரியனும் உலவுவது சிறப்பாகும். குடும்பத்தில் குதூகலம் கூடும். முக்கியமான தகவல் ஒன்று வந்து சேரும். சிறு பயணம் ஒன்றை மேற்கொள்ளவும், அதனால் ஆதாயம் பெறவும் வாய்ப்பு உண்டாகும். நண்பர்களும் உறவினர்களும் உதவி புரிய முன்வருவார்கள். மக்கள் நலம் சீராகும். உழைப்பு வீண்போகாது.

வியாபாரிகளுக்கு லாபம் அதிகரிக்கும். அரசியல்வாதிகளுக்கு வரவேற்பு கூடும். அரசுப்பணியாளர்களது எண்ணம் ஈடேறும். முக்கியஸ்தர்கள், மேலதிகாரிகள் ஆகியோர் ஆதரவாகச் செயல்படுவார்கள். நிர்வாகத்திறமை பளிச்சிடும். தந்தையால் அனுகூலம் உண்டாகும். பிதுரார்ஜிதச் சொத்துக்களைப் பெற வாய்ப்பு கூடிவரும். புதிய பதவி, பட்டங்கள் இப்போது கிடைக்கும்.

அதிர்ஷ்டமான தேதிகள்: மே 7, 8, 10. l திசைகள்: கிழக்கு, வடக்கு, தென்மேற்கு.

நிறங்கள்: ஆரஞ்சு, சிவப்பு, பச்சை.

எண்கள்: 1, 4, 5, 8. l பரிகாரம்: சுப்பிரமணியரை வழிபடவும். கணபதிக்குரிய ஸ்லோகங்களைச் சொல்லவும்.

கடக ராசி வாசகர்களே

உங்கள் ராசிக்கு 9-ல் சுக்கிரனும் 10-ல் சூரியனும் 11-ல் செவ்வாயும் உலவுவது சிறப்பாகும். செல்வாக்கும் மதிப்பும் உயரும். உடல் நலம் சீராகவே இருந்துவரும். சுப காரியங்கள் நிகழும். கலைத்துறைகளைச் சேர்ந்தவர்களுக்கு வெற்றி வாய்ப்புக்கள் கூடும். அரசு உதவி பெற வாய்ப்பு உண்டாகும். நிர்வாகத்துறையினருக்கு நல்ல வாய்ப்புக்கள் கூடிவரும். புதிய பதவிகளும் பட்டங்களும் தேடிவரும். மனத்தில் துணிவு கூடும்.

தன்னம்பிக்கையோடு செயல்படுவீர்கள். எடுத்த காரியங்களில் வெற்றி கிடைக்கும். போட்டிகள், பந்தயங்கள், வழக்கு, வியாஜ்ஜியங்கள், விளையாட்டுகளில் வெற்றிபெற வாய்ப்பு கூடிவரும். அரசுக் காரியங்களில் நல்ல திருப்பம் உண்டாகும். நிலம், மனை, வீடு, வாகனங்களின் சேர்க்கையோ, அவற்றால் ஆதாயமோ கிடைக்கும். குடும்பத்தில் சிறுசிறு சலசலப்புக்கள் ஏற்பட்டு விலகும்.

அதிர்ஷ்ட தேதிகள்: மே 7, 8, 10. l திசைகள்: கிழக்கு, தெற்கு, தென்கிழக்கு.

நிறங்கள்: வெண்மை, சிவப்பு, ஆரஞ்சு. l எண்கள்: 1, 6, 9.

பரிகாரம்: திருவக்கரை வக்கிர காளியை வழிபடவும்.

சிம்ம ராசி வாசகர்களே

உங்கள் ராசிக்கு 2-ல் குருவும் 8-ல் புதனும் சுக்கிரனும் 9-ல் சூரியனும் 10-ல் செவ்வாயும் உலவுவது நல்லது. செல்வாக்கும் மதிப்பும் அந்தஸ்தும் உயரும். வாழ்க்கை வசதிகள் பெருகும். குடும்பத்தில் குதூகலம் கூடும். சுப காரியங்கள் நிகழும். பண நடமாட்டம் அதிகமாகும். கடன் தொல்லை குறையும். கொடுக்கல் வாங்கல் லாபம் தரும். வியாபாரத்தில் வளர்ச்சி காண வழிபிறக்கும்.

கலைஞர்களுக்கு வரவேற்பு கூடும். அரசியல்வாதிகளுக்கும் அரசுப்பணியாளர்களுக்கும் செழிப்பான சூழ்நிலை நிலவிவரும். தான, தர்மப்பணிகளிலும், தெய்வப் பணிகளிலும் ஈடுபாடு கூடும். இயந்திரப்பணியாளர்களுக்கு லாபம் அதிகரிக்கும். பொறியாளர்கள் வளர்ச்சி காண்பார்கள். நிலபுலங்கள் சேரும். சொத்துக்களால் வருவாய் கிடைக்கும். 8-ம் தேதி முதல் தந்தையால் அனுகூலம் உண்டாகும்.

அதிர்ஷ்டமான தேதிகள்: மே 7, 8, 10. l திசைகள்: தெற்கு, வடகிழக்கு, கிழக்கு, தென்கிழக்கு.

நிறங்கள்: சிவப்பு, பொன் நிறம், ஆரஞ்சு. l எண்கள்: 1, 3, 6, 9.

பரிகாரம்: நாகேஸ்வரரை வழிபடவும்.

கன்னி ராசி வாசகர்களே

உங்கள் ராசிக்கு 3-ல் சனியும் 6-ல் கேதுவும் உலவுவது நல்லது. மனத்தில் துணிவு கூடும். எதிர்ப்புக்கள் கட்டுக்குள் அடங்கி இருக்கும். ஜலப்பொருட்கள் லாபம் தரும். உழைப்பு வீண்போகாது. ஆன்மிகத்தில் நாட்டம் அதிகரிக்கும். மந்திர, தந்திர, யந்திர சாஸ்திரங்களில் ஈடுபாடு உள்ளவர்கள் வளர்ச்சி காண்பார்கள். தொழிலாளர்களுக்கும் விவசாயிகளுக்கும் அனுகூலமான போக்கு தென்படும். இதர கிரகங்கள் சாதகமாக இல்லாததால் வீண் அலைச்சல் கூடும். கனவுத் தொல்லையால் தூக்கம் கெடும்.

பயணத்தின்போது விழிப்புடன் இருப்பது நல்லது. புதியவர்களை நம்பி ஏமாற வேண்டாம். வாரப் பின்பகுதியில் பண வரவு சற்று அதிகரிக்கும். குடும்ப நலம் திருப்தி தரும். 8-ஆம் தேதி முதல் புதன் 8-ஆமிடம் மாறுவதால் உடல் ஆரோக்கியம் சீராகும். வியாபாரிகளுக்கு மந்த நிலை விலகும். மாணவர்களது நிலை உயரும்.

அதிர்ஷ்டமான தேதிகள்: மே 7, 8, 10. l திசைகள்: மேற்கு, வடமேற்கு.

நிறங்கள்: கருநீலம், மெரூன். l எண்கள்: 7, 8.

பரிகாரம்: துர்க்கைக்கு நெய் விளக்கேற்றி வழிபடுவது நல்லது. முழுக் கறுப்பு உளுந்து தானம் செய்யலாம்.

துலாம் ராசி வாசகர்களே

உங்கள் ராசிக்கு 6-ல் புதனும் 11-ல் ராகுவும், உலவுவது நல்லது. குரு 12-ல் இருந்தாலும் வக்கிரமாக இருப்பதால் நலம் புரிவார். செய்தொழிலில் சீரான வளர்ச்சி காணலாம். வெளிநாட்டுத் தொடர்பு பயன்படும். போக்குவரத்து இனங்கள் லாபம் தரும். தோல் பொருட்களால் ஆதாயம் கிடைக்கும். புதியவர்களின் சேர்க்கை நலம் தரும். குறுக்கு வழிகளில் பணம் சேரும். கறுப்பு நிறப்பொருட்கள் லாபம் தரும். நல்ல காரியங்களுக்காகச் செலவு செய்வீர்கள். 2-ல் சனியும் 8-ல் செவ்வாயும் இருப்பதால் குடும்பத்தில் நிம்மதி குறையும்.

சண்டை, சச்சரவுகள் கூடும். கண், வயிறு சம்பந்தமான உபத்திரவங்கள் ஏற்படும். உடல் நலனில் கவனம் தேவை. உடன்பிறந்தவர்களுடன் கருத்து வேறுபாடுகள் உண்டாகும். சிறு விபத்துக்கு ஆளாக நேரிடலாம்; எச்சரிக்கை. 6-ல் சுக்கிரனும் 7-ல் சூரியனும் இருப்பதால் தம்பதியினரிடையே சலசலப்புக்கள் ஏற்படும்.

அதிர்ஷ்டமான தேதிகள்: மே 5, 10. l திசைகள்: தென்மேற்கு, வடக்கு.

நிறங்கள்: சாம்பல் நிறம், பச்சை. l எண்கள்: 4, 5.

பரிகாரம்: சுப்பிரமணியரையும் மகாலட்சுமியையும் வழிபடவும்.

விருச்சிக ராசி வாசகர்களே

உங்கள் ராசிக்கு 5-ல் சுக்கிரனும் 6-ல் சூரியனும் 10-ல் ராகுவும் 11-ல் குருவும் உலவுவது நல்லது. தொலைதூரப் பயணம் நலம் தரும். தெய்வப் பணிகளில் ஈடுபாடு அதிகரிக்கும். தான, தர்மப்பணிகளிலும் ஈடுபாடு உண்டாகும். அயல்நாட்டுத் தொடர்பு பயன்படும். புதியவர்களின் நட்புறவு கிடைக்கும். அதனால் நலம் உண்டாகும். போக்குவரத்துச் சாதனங்கள், தோல் பொருட்கள் ஆகியவை லாபம் தரும்.

மக்கள் நலம் மகிழ்ச்சி தரும். மகப்பேறு பாக்கியம் சிலருக்கு உண்டாகும். பண வரவு திருப்திகரமாக இருந்துவரும். திடீர் அதிர்ஷ்ட வாய்ப்புக்கள் தேடிவரும். பெரியவர்கள், தனவந்தர்களின் ஆதரவு கிடைக்கும். கலைத்துறையினருக்கு சுபிட்சம் கூடும். செய்தொழில் லாபம் தரும். பதவி உயர்வு, இடமாற்றம், ஊதிய உயர்வு ஆகியவை கிடைக்கும். வாரப் பின்பகுதியில் செலவுகள் சற்று அதிகரிக்கும். சிக்கனம் தேவை.

அதிர்ஷ்டமான தேதிகள்: மே 7, 8. l திசைகள்: தென்மேற்கு, வடகிழக்கு, தென்கிழக்கு, கிழக்கு.

நிறங்கள்: வெண்சாம்பல்நிறம், பொன் நிறம், சிவப்பு, வெண்மை.

எண்கள்: 1, 3, 4, 6. l பரிகாரம்: சனிப்பிரீதி செய்து கொள்ளவும்.

தனுசு ராசி வாசகர்களே

உங்கள் ராசிக்கு 3-ல் கேதுவும், 4-ல் புதனும் சுக்கிரனும் 5-ல் சூரியனும் 6-ல் செவ்வாயும், 10-ல் வக்கிர குருவும் உலவுவது நல்லது. தொலைதூரத் தொடர்பு பயன்படும். தந்தையால் அனுகூலம் உண்டாகும். அரசுப்பணிகள் நிறைவேறும். காடு, மலை, வனாந்தரங்களில் சுற்றித் திரிவதற்கும், பயன்பெறுவதற்கும் வாய்ப்பு உண்டாகும். மருத்துவர்களுக்கும் விஞ்ஞானிகளுக்கும் வரவேற்பு கூடும். நிர்வாகிகள் வளர்ச்சி காண்பார்கள்.

எதிரிகளின் கரம் வலுக்குறையும். வழக்கில் நல்ல திருப்பம் உண்டாகும். பொருளாதார நிலை உயரும். ஊகவணிகத் துறைகள் லாபம் தரும். நண்பர்களும் உறவினர்களும் உதவி புரிவார்கள். ஆன்மிக நாட்டம் அதிகரிக்கும். பெற்றோரால் நலம் உண்டாகும். வியாபாரம் பெருகும். கலைஞர்களது நிலை உயரும். புதிய ஆடை, அணிமணிகள் சேரும்.

அதிர்ஷ்டமான தேதிகள்: மே 7, 8, 10. l திசைகள்: வடமேற்கு, தென்கிழக்கு, வடக்கு, தெற்கு.

நிறங்கள்: மெரூன், இளநீலம், வெண்மை, சிவப்பு. l எண்கள்: 1, 3, 5, 6, 7, 9.

பரிகாரம்: பராசக்தியை வழிபடவும்.

மகர ராசி வாசகர்களே

உங்கள் ராசிக்கு 3-ல் சுக்கிரனும் 9-ல் குருவும் 11-ல் சனியும் உலவுவது நல்லது. வாழ்வில் முன்னேற்றம் காண நல்ல வாய்ப்புகள் கூடிவரும். முயற்சி வீண்போகாது. நல்ல தகவல் வந்து சேரும். பெரியவர்கள், தனவந்தர்களின் ஆதரவு கிடைக்கும். உழைப்புக்குரிய பயனைப் பெறுவீர்கள். கலைத்துறையினருக்கு வெற்றி வாய்ப்புக்கள் அதிகரிக்கும். உடன்பிறந்தவர்களாலும் மக்களாலும் அனுகூலம் உண்டாகும். பொது நலப்பணிகளில் ஈடுபாடு கூடும். வாரப் பின்பகுதியில் தெய்வப் பிரார்த்தனைகள் நிறைவேறும்.

தான, தர்மப்பணிகளில் ஈடுபாடு உண்டாகும். செய்தொழில் விருத்தி அடையும். கூட்டுத் தொழில் லாபம் தரும். 8-ம் தேதி முதல் புதன் 4-ம் இடத்திற்கு மாறுவது நல்லது. நண்பர்கள், உறவினர்களால் அனுகூலம் உண்டாகும். வியாபாரம், கணிதம், எழுத்து, பத்திரிகை, தரகு துறைகளைச் சேர்ந்தவர்கள் வளர்ச்சி காண வழிபிறக்கும்.

அதிர்ஷ்டமான தேதிகள்: மே 7, 8, 10. l திசைகள்: தென்கிழக்கு, மேற்கு, வடகிழக்கு.

நிறங்கள்: நீலம், வெண்மை, பொன் நிறம். l எண்கள்: 3, 6, 8.

பரிகாரம்: நாகலிங்கேஸ்வரரை வழிபடவும். துர்க்கை கவசம் படிப்பது நல்லது.

கும்ப ராசி வாசகர்களே

உங்கள் ராசிக்கு 2-ல் புதனும் சுக்கிரனும் 3-ல் சூரியனும் 10-ல் சனியும் உலவுவது நல்லது. எதிர்ப்புக்களை வெல்லும் சக்தி பிறக்கும். கணவன் மனைவி உறவு நிலை திருப்தி தரும். குடும்பத்தில் மகிழ்ச்சி நிறைந்திருக்கும். குடும்பத்தில் உள்ளவர்கள் ஆதரவாக இருப்பார்கள். பேச்சில் இனிமை கூடும். தோற்றத்தில் வசீகரம் உண்டாகும். திரவப் பொருட்கள் லாபம் தரும். கடல் வாணிபம் செய்பவர்கள் வருவாய் கூடப் பெறுவார்கள். அரசியல் ஈடுபாடு பயன்படும். நிர்வாகத்திறமை வெளிப்படும்.

பொது நலப்பணியாளர்களுக்கு வரவேற்பு கூடும். உழைப்பு வீண்போகாது. கலைத்துறைகளைச் சேர்ந்தவர்களுக்கும் பெண்களுக்கும் அனுகூலமான போக்கு நிலவிவரும். புதிய பதவி, பட்டங்கள் கிடைக்கும். விருந்து, உபசாரங்களில் ஈடுபாடு உண்டாகும். ஆடை, அணிமணிகளின் சேர்க்கையோ, அவற்றால் லாபமோ கிடைத்துவரும்.

அதிர்ஷ்டமான தேதிகள்: மே 5 (பிற்பகல்), 10.

திசைகள்: தென்கிழக்கு, வடக்கு, மேற்கு, கிழக்கு.

நிறங்கள்: நீலம், வெண்மை, ஆரஞ்சு, பச்சை. l எண்கள்: 1, 5, 6, 8.

பரிகாரம்: சக்தி வழிபாடு நலம் தரும்.

மீன ராசி வாசகர்களே

உங்கள் ஜன்ம ராசியில் சுக்கிரனும், 3-ல் செவ்வாயும், 6-ல் ராகுவும் 7-ல் குருவும் உலவுவது சிறப்பாகும். புதிய பொருட்களின் சேர்க்கை இருக்கும். கணவன் மனைவி உறவு நிலை திருப்தி தரும். பெண்களுக்கு உற்சாகமான சூழ்நிலை நிலவிவரும். மனத்தில் துணிவும் தன்னம்பிக்கையும் அதிகரிக்கும். எதிரிகள் அடங்குவார்கள். போட்டிகளில் வெற்றி கிடைக்கும். இயந்திரப்பணிகள் லாபம் தரும். புதியவர்களின் நட்பு கிடைக்கும். அதனால் அனுகூலமும் உண்டாகும்.

பண நடமாட்டம் அதிகமாகும். கடனாகக் கேட்டிருந்த பணம் கிடைக்கும். பயணத்தின் மூலம் முக்கியமான காரியம் நிறைவேறும். உடன்பிறந்தவர்கள் உதவி புரிவார்கள். 8-ம் தேதி முதல் புதன் 2-ம் மாறுவதால் வியாபாரிகளுக்கு வெளிச்சமான சூழ்நிலை உருவாகும். நண்பர்கள், உறவினர்களால் அனுகூலம் உண்டாகும்.

அதிர்ஷ்டமான தேதிகள்: மே 7, 8. l திசைகள்: தென்மேற்கு, தென்கிழக்கு, தெற்கு.

நிறங்கள்: புகைநிறம், இளநீலம், வெண்மை, சிவப்பு.

எண்கள்: 3, 4, 6, 9. l பரிகாரம்: ருத்ர ஜபம் மற்றும் காயத்ரி ஜபம் செய்வது நல்லது.