டெல்லி மருத்துவமனையில் இருந்து வீடு திரும்பினார் சோனியா காந்தி

டெல்லியில் உள்ள தனியார் மருத்துவமனையில் அனுமதிக்கப்பட்டிருந்த காங்கிரஸ் தலைவர் சோனியா காந்தி நேற்று வீடு திரும்பினார்.

உடல் நலக்குறைவு காரணமாக கடந்த 2017-ம் ஆண்டில் காங்கிரஸ் தலைவர் பதவியில் இருந்து சோனியா காந்தி விலகினார். சிகிச்சைக்காக அவர் அடிக்கடி அமெரிக்கா சென்று வந்தார். இந்நிலையில், உடல்நலக்குறைவு காரணமாக கடந்த 30-ம் தேதி இரவு டெல்லியில் உள்ள சர் கங்காராம் மருத்துவமனையில் சோனியா காந்தி அனுமதிக்கப்பட்டார்.

ஆனால் வழக்கமான உடல் பரிசோதனைக்காக அனுமதிக்கப்பட்டதாக தகவல் வெளியானது. இந்நிலையில், பரிசோதனைகள் முடிவடைந்த நிலையில் அவர் நேற்று பிற்பகல் 1 மணிக்கு டிஸ்சார்ஜ் செய்யப்பட்டார். இதையடுத்து அவர் வீடு திரும்பினார். சோனியா காந்தியின் உடல்நிலை சீராக இருப்பதாக மருத்துவமனை நிர்வாகம் தெரிவித்துள்ளது.