கர்நாடகாவில் ஆட்சியைப் பிடிக்கும் கட்சியின் வெற்றியை தீர்மானிக்கும் ஷிரகட்டி தொகுதி

கர்நாடகாவில் சட்டப்பேரவைத் தேர்தல் நடக்கும்போது ஷிரகட்டி தொகுதியில் வெற்றி பெறும் கட்சிதான் ஆட்சியை அமைத்து வருகிறது. இது 7 பேரவைத் தேர்தல்களிலும், 5 மக்களவைத் தேர்தல்களிலும் நிரூபிக்கப்பட்டுள்ளது.

கர்நாடக மாநிலம் கதக் மாவட்டத்தில் அமைந்துள்ளது ஷிரகட்டி தாலுகா. இது சட்டப் பேரவைத் தொகுதியாகவும் அமைந்துள்ளது.

ஷிரகட்டி தொகுதியில் இம்முறை பாஜக வேட்பாளர் ராமப்பா சோபேப்பா லமானி வெற்றி பெற்றுள்ளார். காங்கிரஸ் வேட்பாளர் தொட்டமணி ராமகிருஷ்ணா சிதலிங்கப்பா 2-வது இடத்தைப் பிடித்தார். தற்போது பாஜகவும் இந்தத் தேர்தலில் 100-க்கும் மேற்பட்ட இடங்களில் வென்று ஆட்சி பீடத்தில் அமரவுள்ளது.

2013-ம் ஆண்டு நடைபெற்ற பேரவைத் தேர்தலில் ஷிரகட்சி தொகுதியில் காங்கிரஸ் வேட்பாளர் சுமார் 300 வாக்குகள் வித்தியாசத்தில் வெற்றி பெற்றார். அப்போது காங்கிரஸ் 122 தொகுதிகளில் வென்று ஆட்சியைக் கைப்பற்றியது.