161 - மயிலாடுதுறை

2021 தேர்தலில் போட்டியிடும் முக்கிய வேட்பாளர்கள் விபரம்:

மயிலாடுதுறை மாவட்டம் தனி மாவட்டமாக கடந்த ஆண்டு அறிவிக்கப்பட்டது. தமிழகத்தின் 38வது மாவட்டமாக மயிலாடுதுறை உள்ளது. மயிலாடுதுறை சட்டமன்ற தொகுதியில் 1 லட்சத்து 21 ஆயிரத்து 166 ஆண் வாக்காளர்களும், 1 லட்சத்து 23 ஆயிரத்து 841 பெண் வாக்காளர்களும், 15 இதர வாக்காளர்களும் ஆக மொத்தம் 2 லட்சத்து 45 ஆயிரத்து 022 வாக்காளர்கள் உள்ளனர்.

மயிலாடுதுறை மாவட்டத்தை தலைமையிடமாக கொண்டு மயிலாடுதுறையை தனி மாவட்டமாக அறிவிக்க வேண்டும் என்று கடந்த 25 ஆண்டு காலமாக கோரிக்கை கடந்த ஆண்டு நிறைவேற்றப்பட்டது.

மயிலாடுதுறை - தரங்கம்பாடி இடையே 1926-ம் ஆண்டு ஆங்கிலேயர்களால் தொடங்கப்பட்டு செயல்பட்டு வந்த ரயில் போக்குவரத்து 1986-ம் ஆண்டு நிறுத்தப்பட்டது. இந்த பாதையில் மீண்டும் ரயில் போக்குவரத்தை தொடங்க வேண்டும் என்று பொதுமக்கள் கோரிக்கை விடுத்ததால், கடந்த 2016-17ம் ஆண்டு மத்திய ரயில்வே பட்ஜெட்டில் ரூ.117 கோடியில் திட்டம் அறிவிக்கப்பட்டது.

ஆனால் நிதி ஒதுக்காததால் இத்திட்டம் இன்றுவரை நிறைவேற்றப்படாமல் உள்ளது. கடந்த 2003-ம் ஆண்டு ரூ.42 கோடி மதிப்பில் மயிலாடுதுறை நகராட்சியில் பாதாள சாக்கடை திட்டம் செயல்படுத்தப்பட்டது. பாதாள சாக்கடை குழாய்களில் உடைப்பு ஏற்பட்டு, சாலைகளில் கழிவுநீர் ஓடி சுகாதார சீர்கேட்டை ஏற்படுத்தி வருகிறது. பாதாள சாக்கடையை சீரமைக்க வேண்டும் என்பதுதான் தொகுதி மக்களின் பிரதான கோரிக்கையாக இருக்கிறது.

மயிலாடுதுறையில் மருத்துவக் கல்லூரி தொடங்க வேண்டும். ஒருங்கிணைந்த பேருந்து நிலையம் அமைக்க வேண்டும். போக்குவரத்து நெரிசலை தவிர்க்க புறவழிச் சாலை அமைக்க வேண்டும். தலைஞாயிறு என்.பி.கே.ஆர்.ஆர். கூட்டுறவு சர்க்கரை ஆலையை புனரமைத்து செயல்பாட்டுக்கு கொண்டு வர வேண்டும். கரும்பு விவசாயிகளுக்கு வழங்கப்பட வேண்டிய நிலுவைத் தொகையை வழங்க வேண்டும் ஆகிய கோரிக்கைகளை நிறைவேற்ற வேண்டும் என்று வாக்காளர்கள் எதிர்பார்த்துள்ளனர்.

கடந்த 2016 தேர்தலில் இந்த தொகுதியில் அதிமுகவைச் சேர்ந்த ராதாகிருஷ்ணன் 70,949 வாக்குகள் பெற்று வெற்றி பெற்றார். திமுக வேட்பாளர் க. அன்பழகன் 66,171 வாக்குகள் பெற்றார்.

2020-ன்படி வாக்காளர்கள் விவரம்:

2016 தேர்தல் வேட்பாளர்கள் விவரம்

தொகுதி கடந்து வந்த தேர்தல்கள் (1977 - 2011)

2006 தேர்தல் ஒரு பார்வை

2011 - தேர்தல் ஒரு பார்வை