அருண் விஜய் - மகிழ்திருமேனி இணையும் தடம்: ஜூன் 19-ல் படப்பிடிப்பு தொடக்கம்

மகிழ்திருமேனி இயக்கத்தில் அருண்விஜய் நடிக்கும் படத்துக்கு 'தடம்' என பெயரிட்டுள்ளார்கள். ஜூன் 19-ம் தேதி படப்பிடிப்பு தொடங்கவுள்ளது.

'குற்றம் 23' படத்தைத் தொடர்ந்து மகிழ்திருமேனி இயக்கத்தில் உருவாகும் படத்துக்கு தேதிகள் ஒதுக்கினார் அருண்விஜய். இதன் முதற்கட்ட பணிகள் தீவிரமாக நடைபெற்று வந்தன.

இந்தர்குமார் தயாரிக்கவுள்ள இப்படத்துக்கு 'தடம்' என பெயரிட்டுள்ளார்கள். 2 நாயகிகள் நடிக்கவுள்ளனர். இதற்கான தேர்வு மும்முரமாக நடைபெற்று வருகிறது.

ஜூன் 19-ம் தேதி முதல் சென்னையில் படப்பிடிப்பு தொடங்கவுள்ளது. அதிக பொருட்செலவில் உருவாகவுள்ள இப்படத்தில் 2 வேடங்களில் நடிக்கவுள்ளார் அருண்விஜய். பெப்சி விஜயன் மற்றும் மீரா கிருஷ்ணன் ஆகியோர் முக்கிய கதாபாத்திரங்களுக்கு ஒப்பந்தம் செய்யப்பட்டுள்ளார்கள்.

படப்பிடிப்புக்குப் போவதற்கு முன்பாக, அருண்விஜய்யோடு நடிக்கவிருப்பவர்களை அதிகாரபூர்வமாக அறிவிக்க படக்குழு திட்டமிட்டுள்ளது.