பிரபல மராத்தி நடிகர் அஷுடோஷ் பக்ரே தூக்கிட்டுத் தற்கொலை செய்துகொண்டார். அவருக்கு வயது 32.
‘பகார்’, ‘இசார் தர்லா பக்கா’ உள்ளிட்ட மராத்தி படங்களில் நடித்தவர் அஷுடோஷ் பக்ரே. இவர் கடந்த 2016 ஆம் ஆண்டு பிரபல மராத்தி நடிகையான மயூரி தேஷ்முக்கைத் திருமணம் செய்து கொண்டார்.
இந்நிலையில் நேற்று (29.07.20) மகாராஷ்டிர மாநிலம் கணேஷ் நகரில் உள்ள தனது வீட்டில் உள்ள அறை ஒன்றில் தூக்கிட்டுத் தற்கொலை செய்துகொண்டார். அவரது பெற்றோர் அளித்த தகவலில் பேரில் அங்கு வந்த போலீஸார் அஷுடோஷ் பக்ரேவின் உடலைக் கைப்பற்றி பிரேதப் பரிசோதனைக்கு அனுப்பி வைத்துள்ளனர்.
தற்கொலைக்கான காரணம் குறித்து எதுவும் தெரியவில்லை என்று கூறியுள்ள போலீஸார் வழக்குப் பதிவு செய்து விசாரித்து வருகின்றனர்.
கடந்த சில தினங்களுக்கு முன்பு அஷுடோஷ் பக்ரே தனது சமூக வலைதளப் பக்கத்தில் ஒரு மனிதன் ஏன் தற்கொலை செய்து கொள்கிறான் எனபதை அலசும் வீடியோ ஒன்றைப் பகிர்ந்துள்ளதாக போலீஸார் தெரிவித்துள்ளனர்.
அஷுடோஷ் பக்ரேவின் மறைவுக்கு மராத்தி திரையுலகைச் சேர்ந்த பிரபலங்கள் பலரும் இரங்கல் தெரிவித்து வருகின்றனர்.
முக்கிய செய்திகள்
இந்தியா
2 hours ago
விளையாட்டு
4 hours ago
க்ரைம்
4 hours ago
உலகம்
5 hours ago
விளையாட்டு
5 hours ago
வேலை வாய்ப்பு
6 hours ago
தமிழகம்
7 hours ago
தமிழகம்
7 hours ago
விளையாட்டு
7 hours ago
கல்வி
7 hours ago
தமிழகம்
7 hours ago
தமிழகம்
7 hours ago