இந்தநாள் உங்களுக்கு எப்படி?- 12 ராசிகளுக்கும் உரிய பலன்கள்

மேஷம்: வெளியூரிலிருந்து உறவினர், நண்பர்களின் வருகையுண்டு. குடும்பத்தினரின் ஆசைகளை நிறைவேற்றுவீர்கள். புண்ணிய தலங்கள் செல்ல திட்டமிடுவீர்கள். பணவரவு உண்டு.

ரிஷபம்: மன உளைச்சல் நீங்கும். கலகலப்பான சூழல் நிலவும். குடும்பத்தினருடன் நேரத்தை செலவிடுவீர்கள். தந்தைவழி உறவினர்களால் மகிழ்ச்சியுண்டு. கலைப்பொருட்கள் சேரும்.

மிதுனம்: திறமையுடன் செயல்பட்டு கடினமான காரியங்களையும் செய்து முடிப்பீர்கள். மனக்குழப்பம் நீங்கும். வேற்று மதத்தினரால் நன்மை கிட்டும். தந்தையின் உடல் நலத்தில் கவனம் தேவை.

கடகம்: கணவன் - மனைவிக்குள் ஒருவருக்கொருவர் விட்டுக்கொடுத்து செல்லுங்கள். மற்றவர்களுக்கு உதவி செய்யப் போய் உபத்திரவத்தில் சிக்கிக் கொள்ளாதீர்கள். வாகனம் செலவு வைக்கும்.

சிம்மம்: எதிர்பார்த்த உதவிகள் தக்க சமயத்தில் கிடைக்கும். தெளிவான முடிவுகளால் தொல்லைகள் நீங்கும். குடும்பத்தாரின் ஒத்துழைப்பு அதிகரிக்கும். பால்ய நண்பரை சந்திப்பீ்ர்கள்.

கன்னி: அரசு காரியங்களில் இருந்துவந்த தடைகள் விலகும். வெளிவட்டாரத் தொடர்பு அதிகரிக்கும். விலகியிருந்த சொந்தபந்தங்கள் வலிய வந்து பேசுவார்கள். பணவரவு திருப்தி தரும்.

துலாம்: குடும்பத்தில் உள்ளவர்களின் உணர்வுகளைப் புரிந்து கொள்வீர்கள். பிள்ளைகளால் பெருமையடைவீர்கள். வழக்குகள் சாதகமாகும். நவீன மின்சாதனம் வாங்குவீர்கள்.

விருச்சிகம்: புது வீடு, மனை, வாகனம் வாங்குவது குறித்து குடும்பத்தினருடன் ஆலோசிப்பீர்கள். தாயாரின் உடல்நலம் பாதிக்கக் கூடும். சகோதரரின் உதவி கிடைக்கும்.

தனுசு: வீடு, வாகனத்தை மாற்றுவீர்கள். நீங்கள் முன்பு செய்த உதவிகளுக்கு இப்பொழுது பாராட்டப்படுவீர்கள். உறவினர், நண்பர்கள் மத்தியில் மதிக்கப்படுவீர்கள்.

மகரம்: சுறுசுறுப்புடன் செயல்பட்டு காரியங்களை விரைந்து முடிப்பீர்கள். சிந்தனைத்திறன் அதிகரிக்கும். குடும்பத்தில் கலகலப்பான சூழல் ஏற்படும். உங்களின் ஆரோக்கியம் சீராகும்.

கும்பம்: கணவன் - மனைவிக்குள் ஈகோ பிரச்சினைகள் வந்து நீங்கும். நெருங்கியவரிடம் உங்களின் மனக்குறைகளை சொல்லி ஆதங்கப்படுவீர்கள். யாரையும் எடுத்தெறிந்து பேசாதீர்கள்.

மீனம்: பிள்ளைகளின் உணர்வுகளை புரிந்து கொள்ளுங்கள். எதிர்மறை எண்ணங்கள் வரக் கூடும். உடல் நலத்தில் கூடுதல் கவனம் தேவை. யாருக்கும் சாட்சி கையெழுத்திட வேண்டாம்.