இந்தநாள் உங்களுக்கு எப்படி?- 12 ராசிகளுக்கும் உரிய பலன்கள்

மேஷம்: உங்களின் முயற்சிகளுக்கு குடும்பத்தாரின் ஆதரவு பெருகும். வீடு, மனை வாங்குவதற்கான காலம் கனிந்து வரும். சொந்த ஊரில் இழந்த செல்வாக்கை மீண்டும் பெறுவீர்கள்.

ரிஷபம்: புத்திசாலித்தனத்தால் முன்னேறுவீர்கள். மனக்குழப்பம் நீங்கி தெளிவான முடிவுகள் எடுப்பீர்கள். குடும்பத்தில் மகிழ்ச்சி தங்கும். பிள்ளைகளின் நட்பு வட்டம் விரியும்.

மிதுனம்: அனுபவ அறிவால் காரியங்களை சாதிப்பீர்கள். எதிர் பாராத பணவரவு உண்டு. பிரபலங்கள் வீட்டு விசேஷங்களில் கலந்து கொள்வீர்கள். வெளியூர் செல்ல திட்டமிடுவீர்கள்.

கடகம்: சிறுசிறு அவமானம், வீண் விரயம் ஏற்படும். யாருக்காகவும் சாட்சி கையெழுத்திடவோ, உத்தரவாதம் தரவோ வேண்டாம். அக்கம்பக்கத்து வீட்டாருடன் அளவுடன் பழகுங்கள்.

சிம்மம்: மனோபலம் அதிகரிக்கும். கடனாக கேட்ட இடத்தில் பணம் கிடைக்கும். வீடு, வாகனத்தை சீர் செய்வீர்கள். எதிர்பார்த்த வேலைகள் தடையின்றி முடியும். கலைப்பொருட்கள் சேரும்.

கன்னி: எதிர்பார்ப்புகள் பூர்த்தியாகும். தன்னார்வத் தொண்டு நிறுவனங்களால் கவுரவிக்கப்படுவீர்கள். உறவினர், நண்பர்கள் உங்கள் உதவி மற்றும் ஆலோசனையை நாடுவார்கள்.

துலாம்: சுப செலவுகள் அதிகரிக்கும். சொந்தபந்தங்கள் மத்தியில் மதிப்பு உயரும். முக்கிய பொறுப்புகள் தேடி வரும். ஆன்மிகப் பெரியோரின் ஆசி கிட்டும். பங்கு வர்த்தகம் லாபம் தரும்.

விருச்சிகம்: நிர்வாகத் திறன் கூடும். பணவரவு திருப்திகரமாக இருக் கும். குடும்பத்தாரின் ஒத்துழைப்பு அதிகரிக்கும். பிள்ளைகளின் மனதில் நிலவும் வீண் பயத்தை போக்குவீர்கள்.

தனுசு: வெளியூர் பயணங்கள் சிறப்பாக அமையும். விலை உயர்ந்த சமையலறை சாதனங்கள் வாங்குவீர்கள். வேற்று மொழிக்காரர்கள் அறிமுகமாவார்கள். வாகனம் செலவு வைக்கும்.

மகரம்: உங்கள் பேச்சில் கனிவு கூடும். பிரபலங்களின் உதவியால் சில காரியங்களை முடிப்பீர்கள். கைமாற்றாக கொடுத்த பணத்தை வசூலிப்பீர்கள். குடும்பத்தில் மகிழ்ச்சி தங்கும்.

கும்பம்: வேலைச்சுமை, நண்பர்களுடன் கருத்துவேறுபாடு வந்து நீங்கும். விருந்தினர்களின் வருகையால் செலவுகள் அதிகரிக்கும். பயணங்களால் அலைச்சல் இருக்கும்.

மீனம்: வீண் சந்தேகம், மறைமுக எதிர்ப்புகள் வந்து நீங்கும். விலை உயர்ந்த ஆபரணங்களை யாருக்கும் இரவல் தரவேண்டாம். உணவு விஷயத்தில் கட்டுப்பாடு அவசியம் தேவை.