இந்தநாள் உங்களுக்கு எப்படி?- 12 ராசிகளுக்கும் உரிய பலன்கள்

மேஷம்: கணவன் - மனைவிக்குள் அனுசரித்து செல்வது நல்லது. ஆடம்பர செலவுகளால் சேமிப்புகள் கரையும். சகோதரர் வகையில் எதிர்பாராது மனத்தாங்கல் வரும்.

ரிஷபம்: ஆன்மிகப் பெரியோரின் ஆசி கிட்டும். கடனை பைசல் செய்ய வழி பிறக்கும். நெருங்கியவர்களுக்காக மற்றவர்களின் உதவியை நாடுவீர்கள். பணவரவு திருப்தி தரும்.

மிதுனம்: பிள்ளைகளால் பெருமையடைவீர்கள். குடும்பத்துடன் புண்ணிய தலங்கள் செல்ல திட்டமிடுவீர்கள். வெளிவட்டாரத்தில் மதிப்பு கூடும். கலைப்பொருட்கள் சேரும்.

கடகம்: கணவன் - மனைவிக்குள் அன்யோன்யம் உண்டாகும். கடன் பிரச்சினைகளுக்கு தீர்வு கிடைக்கும். பால்ய நண்பருடன் எதிர்பாராத சந்திப்பு நிகழும். திடீர் பயணம் ஏற்படலாம்.

சிம்மம்: எவ்வளவு பணம் வந்தாலும் எடுத்து வைக்க முடியவில்லையே என்று ஆதங்கப்படுவீர்கள். சில விஷயங்களுக்கு அனுபவ அறிவை பயன்படுத்துவது நல்லது.

கன்னி: மூத்த சகோதரர் வகையில் உதவி கிடைக்கும். தாயார் ஆதரித்து பேசுவார். பூர்விக சொத்து பிரச்சினைக்கு சுமுகத் தீர்வு காண்பீர்கள். அக்கம்பக்கத்தினர் ஆதரவாக இருப்பார்கள்.

துலாம்: குடும்பத்தில் உங்கள் வார்த்தைக்கு மதிப்பு கூடும். அதிகாரப் பதவியில் இருப்பவர்கள் அறிமுகமாவார்கள். எதிர்பார்த்த இடத்திலிருந்து நல்ல செய்திகள் வரும்.

விருச்சிகம்: உங்களைச் சுற்றியிருப்பவர்களின் சுயரூபத்தை புரிந்து கொள்வீர்கள். நண்பர்கள் தக்க சமயத்தில் உதவுவார்கள். வீடு, வாகன பராமரிப்பு செலவுகள் அதிகரிக்கும்.

தனுசு: பிள்ளைகள் பொறுப்புடன் நடந்து கொள்வார்கள். தாய்வழி உறவினர்களுடன் மனஸ்தாபம் வந்து நீங்கும். அநாவசிய செலவுகளை குறைத்து சேமிக்கும் எண்ணம் வரும்.

மகரம்: நெளிவு, சுளிவுகளை கற்றுக் கொள்வீர்கள். பழைய பிரச்சினைகளுக்கு சுமுக தீர்வு காண்பீர்கள். பிரபலமானவர்களின் அறிமுகம் கிட்டும். அரசால் அனுகூலம் உண்டு.

கும்பம்: விலை உயர்ந்த பொருட்கள் வாங்குவீர்கள். வெளிவட்டாரத்தில் மதிக்கப்படுவீர்கள். கணவன் - மனைவி இடையே ஒருவருக்கொருவர் விட்டுக் கொடுத்து செல்வீர்கள்.

மீனம்: முக்கிய கோப்புகளை கையாளும்போது அலட்சியம் வேண்டாம். முன்கோபத்தால் இழப்புகள் ஏற்படும். மற்றவர்கள் விஷயத்தில் அநாவசியமாக தலையிட வேண்டாம்.