தேர்தல் ஆணைய சர்ச்சையும் பின்னணியும் - எக்ஸ்ப்ளைனர் வீடியோ

நாடு முழு​வதும் தேர்தல் ஆணையம் மேற்கொண்டு வரும் எஸ்ஐஆர் எனப்படும் வாக்காளர் பட்​டியல் சிறப்பு தீவிர திருத்​தப் பணி தொடர்பாக தேர்​தல் ஆணைய அதிகாரிகளுக்கு இடையே கருத்து வேறு​பாடு​களும் மோதல்​களும் நில​வுவ​தாக தனி​யார் ஊடகம் ஒன்று செய்தி வெளியிட்டது.

அதில், தேர்​தல் ஆணை​யாளர்களான சுக்​பீர் சிங் சாந்து மற்​றும் விவேக் ஜோஷி ஆகிய இரு​வரும், தங்​களின் கவனத்​துக்கு வராமலேயே பல முக்​கிய முடிவுகள் எடுக்கப்​படு​வ​தாகக் கூறி, கடந்த 10 மாதங்​களில் 14 முறை தங்​கள் எதிர்ப்​பைப் பதிவு செய்ததாக தெரிவிக்கப்பட்டு​உள்ளது.

இந்த விவ​காரம் பெரும் சர்ச்​சையை​ கிளப்​பியுள்ள நிலையில், தலைமை தேர்​தல் ஆணை​யம் விளக்க அறிக்கை ஒன்றை வெளியிட்டுள்ளது.

அதில், எந்​தவொரு நிறு​வனத்​தி​லும் கலந்​தாலோசனையின் ​போது மாறு​பட்ட கருத்துகள் இருப்​பது இயல்​பான ஒன்று​தான். இறுதி முடிவு எடுக்​கப்​படு​வதற்கு முன்​னர், முடி​வெடுக்​கும் செயல்​முறை​யின் ஒரு பகுதியாக அவை அமைகின்றன.

எனினும், ஒரு​மித்த அடிப்​படை​யில் அல்​லது பெரும்பான்மை ஆதரவின் அடிப்​படை​யில்​தான் இறுதி முடிவு​கள் எடுக்கப்பட்டுள்ளன. மூன்று ஆணை​யர்​கள் மட்டுமல்ல, ஆணையத்​தின் ஒவ்​வொரு அதி​காரிக்​கும் தேர்​தல் முறையை மேம்​படுத்​து​வதற்​காகத் தங்​களது ஆலோ​சனை​களை ஆணையத்துக்கு வழங்க முழு அதிகாரம் உள்​ளது.

கடந்த 10 மாதங்களில் நாடு முழு​வதும் வாக்​காளர் பட்டியல் சிறப்பு தீவிர திருத்த பணியை நடத்​து​வது உள்ளிட்ட பல தேர்​தல் சீர்திருத்​தங்​களை தேர்தல் ஆணையம் மேற்​கொண்​டுள்​ளது. இவை அனைத்​தும் கடந்த ஓராண்​டில் முழு ஆணை​யத்​தின் ஒருமன​தான முடிவு​களாகும்’ என்று அந்த அறிக்​கை​யில் தலைமை தேர்தல் ஆணையம் விளக்கம் அளித்துள்ளது.

இது குறித்து பாஜக எம்​.பி. சம்​பிட்​ பத்​ரா டெல்லியில்​ செய்தி​யாளர்​களிடம்​ கூறும்போது, “நாட்​டில்​ தேர்​தல்​களை நடத்​தும்​ மூன்​று தேர்தல்​ ஆணை​யர்​களும்​ ஒருவருக்கொரு​வர்​ தொடர்​பு கொள்​ளாமலும்​, கருத்துகளைப்​ பரிமாறிக்​ கொள்​ளாமலும்​, கலந்தாலோசிக்காமலும்​, வெறுமனே தங்​களுக்​குள்​ உடன்பட்​டுக்​ கொண்​டே இருந்​தால்​ அதை சர்வாதிகாரம்​ என எதிர்க்​கட்​சிகள்​ சொல்​லும்​.

ஆனால்​ 3 தேர்​தல்​ ஆணை​யர்​களுக்​கும்​ இடையே 14 முறை கடிதப்​ பரி​மாற்​றம்​ நடந்துள்​ளது. இது 3 ஆணையர்களுக்​கும்​ இடையே​யான அதி​காரப்​பூர்​வ கலந்தாலோ​சனை​யாகும்​. இது​போன்​ற கலந்தாலோசனைகள்​ உண்​மை​யில்​ ஓர் ஆரோக்​கிய​மான ஜனநாயகத்​தின்​ அறிகுறி​யாகும்​. 2014-ல்​ மோடி அரசு ஆட்சிக்​கு வந்​த​திலிருந்​து, எதிர்க்​கட்​சிகள்​ ஒன்​றன்​பின்​ ஒன்​றாக வீழ்ந்​து வரு​கின்​றன்.

மக்​களால்​ தேர்ந்​தெடுக்​கப்​ப​டாத​தால்​ அவற்​றின்​ இருப்புக்கே அச்​சுறுத்​தல்​ ஏற்​பட்​டு, ஜனநாயக அரங்​கில்​ வீழ்ந்​தன. அவதூறு பிரச்சாரத்தின் ஒரு பகுதி தேர்தல்களில்​ வெற்​றி பெற இயலாத நிலை​யில்​, காங்கிரஸ்​ நமது அரசி​யல்​ சாசன அமைப்​பு​களை தாக்​கத்​ தொடங்​கி, அவற்​றை அவதூறு செய்​ய முயல்​கிறது. தேர்தல்​ ஆணை​யம்​ மீதான விமர்​சன​மும்​ அந்​த பிரச்சாரத்தின் ஒரு பகுதிதான்” என்று அவர் தெரிவித்தார்.

தேர்தல் ஆணைய விவகாரம் குறித்து காங்கிரஸ் முக்கியத் தலைவர் ராகுல் காந்தி எக்ஸ் தளத்​தில், “வாக்குத் திருட்டு என்​பது மக்களுக்கு எதி​ரான குற்​றம். பாஜக, ஆர்​எஸ்​எஸ், தேர்தல் ஆணையம் தேசத்​துரோகம் செய்​துள்​ளன” என்று பதி​விட்​டார். “உங்​கள் நேரம் வரும்போது, தப்பிக்க முடி​யாது” என தேர்தல் அதிகாரிகளை எச்​சரிக்​கும் வீடியோவை​யும் அவர் பகிர்ந்துள்ளார்.

தலை​மைத் தேர்​தல் ஆணை​யர் ஞானேஷ் குமாரை உடனே பதவி நீக்​கம் செய்​துவிட்டு, மேற்கு வங்கத்திற்கு மறுதேர்தல் நடத்த வேண்டுமென்று மம்தா பானர்ஜி வலியுறுத்தி உள்​ளார்.

ஆம் ஆத்மி கட்​சி​யின் அர்​விந்த் கேஜ்ரி​வால் கூறும்​போது, “எஸ்ஐஆர் நடை​முறை​கள் சட்​ட​விரோத​மானவை. கடந்த சில ஆண்​டு​களில் நடத்​தப்​பட்ட தேர்​தல்​களை ரத்து செய்து​விட்டு புதிய தேர்தல்களை நடத்​த வேண்​டும்​” என்று கூறியுள்ளார்.

அதேபோல், ‘தனி ஆவர்த்தனம் செய்த தலைமைத் தேர்தல் ஆணையர் ஞானேஷ் குமாரை உடனடியாக பதவி நீக்கம் செய்ய வேண்டும்’ என திமுக தலைவர் மு.க.ஸ்டாலின் வலியுறுத்தியுள்ளார்.