இஸ்லாமாபாத்: பாகிஸ்தான் ராணுவத் தளபதியாக உள்ள கமர் ஜாவேத் பாஜ்வா (61), மூன்று ஆண்டுகால பணி நீட்டிப்புக்கு பிறகு வரும் 29-ம் தேதி ஓய்வு பெறுகிறார்.
இந்நிலையில், புதிய ராணுவத் தளபதியாக லெப்டினன்ட் ஜெனரல் அசிம் முனீர், முப்படைத் தளபதியாக லெப்டினன்ட் ஜெனரல் ஷாகிர் ஷம்ஷத் மிர்சா ஆகியோரை பிரதமர் ஷெபாஸ் ஷரீப் நியமனம் செய்துள்ளதாக தகவல் தொடர்பு அமைச்சர் மரியம் அவுரங்கசீப் ட்விட்டரில் தெரிவித்துள்ளார்.
இதனிடையே, புதிய ராணுவ தளபதி நியமனத்துக்கு அந்நாட்டு அதிபர் ஆரிப் ஆல்வி ஒப்புதல் அளித்துள்ளார்.பாகிஸ்தான் ராணுவத்தில் முப்படை தளபதி, உயர் பதவியாக இருந்தபோதும், படைகளை திரட்டுவது, அதிகாரிகள்நியமனம், இடமாறுதல் என முக்கியப் பொறுப்புகள் ராணுவத் தளபதி வசமே உள்ளன. எனவே ராணுவத் தளபதியே அதிகாரம் மிக்கவராக திகழ்கிறார்.