50 ஆண்​டுகளாகப் பயணிக்​கும் ‘நான்-ஸ்​டாப்’ நாசா விண்​கலம்: பூமி​யில் இருந்து 2,590 கோடி கி.மீ. தூரத்தை எட்​டியது ‘வாயேஜர்-1’

50 ஆண்​டுகளாகப் பயணிக்​கும் ‘நான்-ஸ்​டாப்’ நாசா விண்​கலம்: பூமி​யில் இருந்து 2,590 கோடி கி.மீ. தூரத்தை எட்​டியது ‘வாயேஜர்-1’
Updated on: 
2 min read

அமெரிக்க விண்​வெளி ஆராய்ச்சி நிறு​வனமான ‘நாசா’ சுமார் 50 ஆண்​டுகளுக்கு முன்பு ஏவிய வாயேஜர்-1 விண்​கலம் பூமி​யில் இருந்து 2,590 கோடி கி.மீ. தூரத்தை நேற்று எட்டி சாதனை படைத்​துள்​ளது. இது ஒரு முழு நாள் ஒளித் தொலைவு ​ஆகும்.

வாயேஜர்-1 விண்​கலம் 1977 செப்.5-ல் புளோரிடாவின் கேப் கனாவெரலில் இருந்து விண்​ணுக்கு ஏவப்​பட்​டது. அதன் இரட்​டைச் சகோ​தரியான வாயேஜர்-2 சற்று முன்​னதாகவே, அதாவது ஆக.20-ல் ஏவப்​பட்​டிருந்​தது. 2 விண்​கலங்​களும் வெளிக்​கோள்​கள் குறித்த ஆய்​வுக்​காகவே வடிவ​மைக்​கப்​பட்​டன.

வாயேஜர்-1 தனது பயணத்​தில் வியாழன், சனி ஆகிய இரு கோள்​களை மட்​டுமே நெருங்​கிச் சென்​றது. 1979 மார்ச் 5-ல் வியாழனை அணுகியது. அப்​போது அதன் கேமரா, வியாழனின் நில​வான ‘அயோ’வில் எரிமலைகள் வெடிப்​ப​தைப் படமெடுத்​தது. பூமிக்கு வெளியே இயக்​கத்​தில் உள்ள எரிமலைகள் இருப்​ப​தற்​கான முதல் சான்று அதுவே. 1980 நவ.12-ல் சனியை நெருங்​கியது. சனி வளை​யங்​களின் சிக்​கலான அமைப்​பையும், டைட்​டன் நில​வின் அடர்த்​தி​யான நைட்​ரஜன் வளிமண்​டலத்​தையும் அது வெளிப்​படுத்​தி​யது.

சனியைக் கடந்த பிறகு, வாயேஜர்-1 சூரியக் குடும்​பத்​தின் தளத்​தில் இருந்து சுமார் 30 டிகிரி கோணத்​தில் விலகி, வெளிநோக்​கிய நீண்ட பயணத்​தைத் தொடங்​கியது. சூரியக் குடும்ப எல்லையை, அதாவது சூரியப் புயல் விண்​மீனிடைச் சூழலுடன் மோதும் ‘ஹீலியோபாஸ்’ பகுதியை 2012 ஆக.25-ல் கடந்​தது. அப்​போது அது சூரியனில் இருந்து சுமார் 1,830 கோடி கி.மீ. தூரத்​தில் இருந்​தது. அந்​தத் தருணத்​தில், மனித​னால் உரு​வாக்​கப்​பட்ட ஒரு பொருள் சூரியக் குடும்​பத்​தைவிட்டு விண்​மீன்​களுக்கு இடையேயான விண்​வெளி​யில் நுழைந்து சாதனை படைத்​தது.

சரியாக வேலை செய்​ய​வில்லை என்​றால், கைபேசியை தூக்கி வீசி​விடு​கிறோம். ஆனால், சுமார் 50 ஆண்​டுகளுக்​குப் பிறகும் தொடர்ந்து செயல்​படுவது​தான் வாயேஜர்-1 விண்​கலத்​தின் வியக்​கத்​தக்க அம்​சம்.

அதன் ஆற்​றல் தேவைக்கு மூன்று ரேடியோ ஐசோடோப் வெப்ப மின் உற்​பத்​திக் கரு​வி​கள் (RTGs) துணைசெய்​கின்​றன. புளூட்​டோனியம்-238-ன் இயற்​கைச் சிதைவு வெப்​பத்தை வெளி​யிடு​கிறது; இந்​தக் கருவி அந்த வெப்​பத்தை மின் ஆற்​றலாக மாற்​றுகிறது. வரும் 2035 வரைதான் மின் உற்​பத்தி நடை​பெறும் எனக் கருதப்​படு​கிறது. எனினும், வாயேஜர்-1 தொடர்ந்து பயணிக்​கும். அதை உரு​வாக்​கிய பொறி​யாளர்​கள், அதன் பயணத்​தைப் பின்​தொடர்ந்த மக்​கள் மறைந்த பிறகும்​கூட, விண்​மீன்​களுக்கு இடையேயான இருளில் அது தொடர்ந்து செல்​லும்.

அடுத்த 40 ஆயிரம் ஆண்​டுகளுக்​குப் பிறகு, கிலீஸ் 445 எனும் விண்​மீனுக்கு அருகே அது பறந்​துசெல்​லும் எனக் கணிக்​கப்​பட்​டுள்​ளது.

- கட்​டுரையாளர்: த.வி.வெங்​கடேஸ்வரன், பேராசி​ரியர், மொஹாலி இந்​திய அறி​வியல் கல்வி - ஆராய்ச்சி நிறு​வனம். (tvv123@gmail.com)

ஒளி நாள் என்​பது என்ன?

விண்​வெளி​யில் தூரத்தை அளக்க வானிய​லா​ளர்​கள் ஒளி​யின் வேகத்​தைப் பயன்​படுத்து​கின்​றனர். ஒளி ஒரு விநாடிக்கு சுமார் 3 லட்​சம் கி.மீ. பயணிக்​கும். ஓர் ‘ஒளி நாள்’ என்​பது 24 மணி நேரத்​தில் ஒளி கடக்​கும் தூரம். அதாவது சுமார் 2,590 கோடி கி.மீ.

நிலவு நம்​மிடம் இருந்து சராசரியாக 3 லட்​சத்து 84 ஆயிரம் கி.மீ. தூரத்​தில் உள்​ளது. ஒளி அங்கு செல்ல 1.3 விநாடிகள் மட்​டுமே ஆகும். சூரியன் 15 கோடி கி.மீ. தூரத்​தில் உள்​ளது; அதன் ஒளி நம்மை அடைய சுமார் 8 நிமிடங்​கள் 20 விநாடிகள் ஆகின்​றன.

இந்த கணக்​கில் பார்த்​தால், ஒரு நாள் முழுக்க ஒளி பயணம் செய்​தால் அடையக்​கூடிய தூரத்​தில், அதாவது ஒரு முழு நாள் ஒளித் தொலை​வில் வாயேஜர்-1 தற்​போது இருக்​கிறது.

பூமியை ‘க்​ளிக்’ செய்த வாயேஜர்

1990 பிப்.14-ல் வானிய​லா​ளர் கார்ல் சேக​னின் வேண்​டுகோளுக்கு இணங்க, வாயேஜர்-1 விண்​கலம் தனது கேம​ராவைத் திருப்​பிப் பூமியை நோக்​கியது. சுமார் 600 கோடி கி.மீ. தூரத்​தில் இருந்து எடுக்​கப்​பட்ட அந்​தப் படத்​தில், சூரிய ஒளிக்​கற்​றை​யில் தொங்​கும் மிகச் சிறிய புள்​ளியாக பூமி தெரிந்​தது. அந்த ஒளிப்​படம் ‘வெளிர் நீலப் புள்ளி’ (Pale Blue Dot) என்று புகழ்​பெற்​றது.

பிரம்​மாண்​ட​மான பிரபஞ்​சத்​தில் நாம் வெறும் தூசு என்​பதை நினைவூட்டி, நாடு, மதம் என நாம் போடும் சண்​டைகள் எவ்​வளவு அபத்​த​மானவை என்​பதை அது நமக்​குக் காட்​டியது. உலக மக்​கள் எல்​லோரும் இந்​தச் சிறிய படகில்​தான் பிரபஞ்​சம் எனும் கடலில் நீந்​துகிறோம். இந்​தப் படகை அழி​யாமல் காப்​பது நமது பொறுப்பு என்​கிற கருத்​தையும் அது விதைத்​தது.

50 ஆண்​டுகளாகப் பயணிக்​கும் ‘நான்-ஸ்​டாப்’ நாசா விண்​கலம்: பூமி​யில் இருந்து 2,590 கோடி கி.மீ. தூரத்தை எட்​டியது ‘வாயேஜர்-1’
தமிழகத்தில் புதிதாக டாஸ்மாக் கடை திறக்க தடை: உயர் நீதிமன்றம் உத்தரவு

X