உலகம் முழுவதும் கோடிக்கணக்கான மக்கள் தரவுகளைக் கையாளுவதற்கும் கணக்குகளை நிர்வகிப்பதற்கும் கூகுள் ஷீட்ஸ் (Google Sheets) செயலியை நாள்தோறும் பயன்படுத்தி வருகின்றனர். இருப்பினும், அதில் உள்ள சிக்கலான தரவுகளைப் பகுப்பாய்வு செய்யவும் தகவல்களை வகைப்படுத்துவதற்குமான சூத்திரங்களை (Formulas) எழுதுவதும் பலருக்கும் சிரமமான காரியமாகவே உள்ளது. இதை முற்றிலும் போக்கி, கூகுள் ஷீட்ஸிலேயே நேரடியாகச் செயற்கை நுண்ணறிவைப் பயன்படுத்த வழிசெய்கிறது SheetGPT என்னும் செய்யறிவுக் கருவி.
கூகுள் ஷீட்ஸில் செய்யறிவு ஆற்றலை இணைத்து, பல மணிநேரம் பிடிக்கும் அட்டவணை தரவுப் பணிகளைத் தானியங்கு முறையில் (Automation) சில நிமிடங்களில் செய்து முடிக்க இந்தக் கருவி உதவுகிறது.
செய்யறிவும் சூத்திரங்களும்
SheetGPT-ஐ பயன்படுத்த சிக்கலான குறியீடுகளோ நிரலாக்க அறிவோ தேவையில்லை. வழக்கமான கூகுள் ஷீட்ஸ் சூத்திரங்களைப் போலவே =GPT (உங்கள் கேள்வி) எனக் குறிப்பிட்டால் போதும்; செய்யறிவு அதற்கான விடையை நேரடியாக அந்த செல்லிலேயே (Cell) வழங்கிவிடும். மேலும், =GPT_LIST() அல்லது =GPT_FILL() போன்ற சிறப்புச் சூத்திரங்களைப் பயன்படுத்தி வரிசையான தரவுகளையும் விடுபட்ட தகவல்களையும் நொடிகளில் தானாக நிரப்ப முடியும்.
பெருமளவிலான தரவுப் பகுப்பாய்வு (Bulk Processing & Categorization)
ஆயிரக்கணக்கான வாடிக்கையாளர் கருத்துகளோ (Customer Reviews), கருத்துக்கணிப்புகளோ அட்டவணையில் இருக்கும்போது, அவற்றின் போக்கைப் (Sentiment Analysis) பகுப்பாய்வு செய்ய இது பெரிதும் உதவுகிறது. நேர்மறை (Positive) அல்லது எதிர்மறை (Negative) என வகைப்படுத்துதல், நீண்ட அறிக்கைகளைச் சுருக்குதல், தகவல்களை முறைப்படுத்துதல் போன்ற பணிகளைச் செய்யறிவின் துணையுடன் ஆயிரக்கணக்கான செல்களில் நொடிகளில் செய்து முடிக்கலாம்.
உள்ளடக்க உருவாக்கமும் மொழிபெயர்ப்பும் (Content Generation & Translation)
சந்தைப்படுத்துபவர்களும் (Marketers) விற்பனைப் பிரதிநிதிகளும் அட்டவணையில் இருந்தபடி விளம்பர உரைகளையும் பொருள்கள் குறித்த விளக்கங்களையும் (Product Descriptions) மின்னஞ்சல்களையும் எளிதாக உருவாக்க முடியும். மேலும், நூற்றுக்கும் மேற்பட்ட மொழிகளில் தரவுகளைச் சூழலுக்கு ஏற்ப உடனுக்குடன் மொழிபெயர்க்கவும் இது உதவுகிறது.
பிழைதிருத்தமும் தரவுத் தூய்மைப்படுத்தலும் (Data Cleaning)
அட்டவணையில் உள்ள குழப்பமான பெயர்கள், தவறான குறியீடுகள், மாறுபட்டிருக்கும் தரவுகளைச் சீரமைக்கவும் SheetGPT உதவுகிறது. ஒரே கட்டளையில் அனைத்துத் தரவுகளையும் ஒரே சீரான வடிவத்துக்கு (Formatting) மாற்றித்தருவது இதன் கூடுதல் சிறப்பு.
இணையத் தேடலும் நேரலைத் தரவுகளும் (Web Browsing & Live Data Integration)
வழக்கமான செய்யறிவுக் கருவிகளைப்போலக் குறிப்பிட்ட காலத்துக்கு உள்பட்ட தரவுகளோடு நின்றுவிடாமல், இணையத்தில் நேரடியாகத் தேடி நேரலைத் தரவுகளைக் (Live Web Data) கூகுள் ஷீட்ஸுக்குள் கொண்டுவரும் வசதியும் இதில் உள்ளது. இதன் மூலம் சமீபத்திய சந்தை நிலவரம், விலை விவரங்கள், நிறுவனத் தகவல்களை நேரடியாக அட்டவணையில் இடம்பெற வைக்க முடிகிறது.
பிற செய்யறிவுக் கருவிகளில் இருந்து இது எவ்வாறு வேறுபடுகிறது?
செய்யறிவு விதி
அரைகுறையான கட்டளைகளைக் கொடுத்துச் செய்யறிவுக் கருவிகளைக் குழப்பக் கூடாது. நீங்கள் என்ன எதிர்பார்க்கிறீர்கள் என்பதை மிகத் தெளிவாகக் கேட்க வேண்டும். தெளிவான கேள்வியே துல்லியமான பதிலைப் பெற்றுத்தரும்.
எடுத்துக்காட்டு கட்டளை (Sample Prompt)
=GPT(Analyse the dataset and provide 10 important insights) “&CHAR(10)&TEXTJOIN(CHAR(10),TRUE,BYROW(A1:P60,LAMBDA(r,TEXTJOIN(” | “,FALSE,r)))),“gpt-4o-mini",0,1500,TRUE)
தரவுகளை கூகுள் ஷீட்ஸில் இருந்து சேகரித்து, ChatGPT போன்ற தளங்களில் தனித்தனியாக நகலெடுத்து ஒட்டி (Copy-Paste) உரையாடிக் கொண்டிருப்பது அதிக நேரத்தை வீணடிக்கும். ஆனால், SheetGPT அனைத்துப் பணிகளையும் கூகுள் ஷீட்ஸ் ஆவணத்தைவிட்டு வெளியேறாமலேயே, தானியங்குமுறையில் செய்து முடித்து நேரத்தை மிச்சப்படுத்துகிறது. அட்டவணைகளைக் கையாள்வதில்
இருந்த சிக்கல்களை நீக்கி, கூகுள் ஷீட்ஸைச் சக்திவாய்ந்ததொரு செய்யறிவு சார்ந்த தரவுப் பகுப்பாய்வு மையமாக மாற்றுவதில் SheetGPT முக்கியப் பங்கு வகிக்கிறது.
யாருக்குப் பயன்படும்?
தரவு ஆய்வாளர்கள், கணக்காளர்கள், சந்தைப்படுத்துநர்கள், விற்பனைப் பிரதிநிதிகள், வணிகர்கள், மனிதவள மேலாளர்கள், நிர்வாகப் பணியாளர்கள். https://www.sheetgpt.ai/
- மேலும் கற்கலாம்.
- கட்டுரையாளர், பேராசிரியர், தொழில்நுட்ப எழுத்தாளர்.