சென்னை: இந்திய ஸ்மார்ட்போன் சந்தையில் லாவா அக்னி 4 ஸ்மார்ட்போன் அறிமுகமாகி உள்ளது. இந்த போனின் விலை மற்றும் சிறப்பு அம்சங்கள் குறித்து விரிவாக பார்ப்போம். இதில் ஆக்ஷன் கீ மற்றும் வாயு ஏஐ உள்ளிட்டவை இடம்பெற்றுள்ளது.
இந்தியாவை தலைமையிடமாகக் கொண்டு இயங்கி வருகிறது பன்னாட்டு எலக்ட்ரானிக்ஸ் கம்பெனியான லாவா இண்டர்நேஷனல். லாவா என்ற பெயரில் ஸ்மார்ட்போன்களை இந்த நிறுவனம் உற்பத்தி செய்து வருகிறது. தற்போது லாவா அக்னி 4 ஸ்மார்ட்போன் அறிமுகமாகி உள்ளது.
இந்த போனில் உள்ள வாயு ஏஐ மூலம் பயனர்கள் தங்களுக்கு வேண்டியவற்றை எடிட் செய்யவும், கிரியேட் செய்யவும், சுருக்கவும், பதிவு செய்யவும், மொழி மாற்றம் செய்யவும் பயன்படுத்தலாம். இந்த போனில் சர்க்கிள் டு சர்ச் அம்சமும் உள்ளது. 3 ஆண்ட்ராய்டு இயங்குதள அப்டேட் மற்றும் 4 ஆண்டுகளுக்கு செக்யூரிட்டி அப்டேட் இந்த போனில் வழங்கப்படுகிறது.
லாவா ‘அக்னி 4’ ஸ்மார்ட்போன் சிறப்பு அம்சங்கள் என்னென்ன?
6.67 இன்ச் 1.5கே AMOLED டிஸ்பிளே
மீடியாடெக் டிமான்சிட்டி 8350 5ஜி ப்ராஸசர்
ஆண்ட்ராய்டு 15 இயங்குதளம்
50 + 8 மெகாபிக்சல் கேமரா பின்பக்கம் இடம்பெற்றுள்ளது
50 மெகாபிக்சல் கொண்டுள்ளது முன்பக்க கேமரா
8ஜிபி ரேம்
256ஜிபி ஸ்டோரேஜ்
இரண்டு வண்ணங்களில் இந்த போன் கிடைக்கிறது
5ஜி நெட்வொர்க்
யுஎஸ்பி டைப்-சி போர்ட்
5,000 mAh பேட்டரி
66 வாட்ஸ் சார்ஜர் இந்த போனுடன் பெறலாம்
இந்த போனின் விலை ரூ.24,999 என அறிவிக்கப்பட்டுள்ளது
