சென்னை: தமிழ்நாட்டில் ஐக்யூ நிறுவனத்தின் ஸ்மார்ட்போன் விற்பனைகடந்த நிதி ஆண்டில் 82 சதவீதமாக வளர்ச்சியடைந்துள்ளது என்று அந்நிறுவனத்தின் தலைமைச்செயல் அதிகாரி (சிஇஓ) நிபுன் மரியா தெரிவித்து உள்ளார்.
சீனாவைச் சேர்ந்த விவோ மொபைல்போன் நிறுவனத்தின் துணை நிறுவனமான ஐக்யூ கடந்த 2019-ம் ஆண்டு தொடங்கப்பட்டது. இந்தியாவில் கடந்த 4 ஆண்டுகளாக ஸ்மார்ட்போன் மாடல்களை அறிமுகம் செய்துவரும் இந்நிறுவனம், தமிழ்நாட்டில் தங்களது சந்தையை விரிவாக்கும் முயற்சியில் இறங்கியுள்ளது.
இது தொடர்பாக நேற்று சென் னையில் நடைபெற்ற நிகழ்ச்சியில் பங்கேற்ற ஐக்யூ நிறுவனத்தின் இந்தியப் பிரிவின் சிஇஓ நிபுன் மரியா கூறியதாவது:
ஐக்யூ நிறுவனத்தின் ஸ்மார்ட்போன்கள் இந்தியமக்களிடையே சிறந்த வரவேற்பைப் பெற்றுள்ளன. குறிப்பாக, தமிழ்நாட்டில்ஐக்யூ நிறுவனத்தின் வளர்ச்சி கடந்த நிதி ஆண்டில் 82 சதவீதமாக உயர்ந்துள்ளது.
5 ஐந்து மாநிலங்களில்.. ஐக்யூ போன்கள் அதிகமாக விற்பனையாகும் டாப் 5 ஐந்து மாநிலங்களில் ஒன்றாக தமிழ்நாடு உள்ளது. இதனால், இங்கு கூடுதல் கவனம் செலுத்தி வருகிறோம். ரூ.10 ஆயிரம் விலைகொண்ட ஸ்மார்ட் போன்கள் பிரிவில் வேகமான வளர்ச்சியை எட்டிவருகிறோம். இவ்வாறு நிபுன் மரியா தெரிவித்தார்.