சென்னை: மதுராந்தகம் மற்றும் தாராபுரம் தொகுதிகளுக்கான இடைத்தேர்தலில் தவெக கூட்டணி அமோக வெற்றி பெற்று பொதுத்தேர்தலைவிட அதிக வாக்குகளை பெற்றுள்ளது.
தவெகவின் அரசியல் பயணத்தில் மிக முக்கிய மான மைல்கல்லாக பார்க் கப்பட்ட இந்த இடைத்தேர் தலில் தனது பலத்தை மீண்டும் நிரூபித்துள்ளது. கடந்த பொதுத் தேர்தலில் தனியாக நின்ற தவெக மதுராந்தகம் தொகுதியில் 62,090 வாக்குகளை பெற்று தோல்வியை தழுவியது. அதிமுக 69,284 வாக்குகள் பெற்று வெற்றி பெற்றது. பொதுத்தேர்தலில் வெற்றி பெற்ற மரகதம் குமரவேல் தனது பதவியை ராஜினாமா செய்து தவெகவில் இணைந்து மீண்டும் அதே தொகுதியில் போட்டியிட்டு 74,048 வாக்குகளை பெற்று வெற்றி பெற்றுள்ளார்
மேலும், திமுக இரண்டாவது இடத்துக்கும், அதிமுக மூன்றாவது இடத்துக்கும் தள்ளப்பட்டது. மதுராந்தகம் தேர்தலில் முதல் சுற்றிலிருந்தே முன்னிலையில் இருந்தார். கடந்த மூன்று தேர்தல்களாக இந்த தொகுதியில் அதிமுகவில் வெற்றி பெற்ற இவர், இம்முறை கட்சி மாறிய போதும், தனிப்பட்ட செல்வாக்கு மற்றும் ஆளுங்கட்சியின் ஆதரவால் வெற்றி பெற்றார்.
அதேபோல், தாராபுரம் தொகுதியில் பொதுத்தேர்தலில் தவெக 46,438 வாக்குகள் பெற்று தோல்வியைடைந்தது. இத்தேர்தலில் அதிமுக சார்பில் போட்டியிட்ட சத்யபாமா 81,100 வாக்குகள் பெற்றார். இவரும் அதிமுகவில் இருந்து விலகி தவெகவில் இணைந்து இந்த இடைத்தேர்தலில் தவெக சார்பில் போட்டியிட்டு 66,841 வாக்குகள் பெற்று வென்றுள்ளார். இங்கும் திமுக 2-வது இடமும், அதிமுக 3-ம் இடமும் பிடித்தன.
தாராபுரத்தில் முதலில் சத்யபாமா முன்னிலையில் இருந்தாலும், இடையில் அதிமுகவின் பானுமதி முன்னிலை பெற்றார். சத்யபாமா இரண்டாம் இடம் பிடித்தார். ஆனால், 5-வது சுற்றில் இருந்து மீண்டும் நிலைமை மாறி, தவெக முதலிடத்தை பிடித்தது.
இந்தத் இடைத்தேர்தலில், தாராபுரத்தில் கிராமப்புறங்களைவிட நகர்ப்புறங்களில் தவெகவுக்கு அதிகளவிலான வாக்குகள் கிடைத்துள்ளது வாக்கு எண்ணிக்கை மூலம் கணிக்கப்பட்டுள்ளது. இது தவிர, காங்கிரஸ், விசிக, ஐயூஎம்எல் போன்ற கூட்டணிக் கட்சிகளின் வாக்குகளை தவெக வசம் உள்ளதால் இந்த வெற்றி என்பது எளிதில் கிடைக்கப் பெற்றதாகக் கூறப்படுகிறது.
மேலும், முதல்வர் விஜய் பிரச்சாரம் மற்றும் ரோடு ஷோ மக்கள் மத்தியில் மீண்டும் தவெகவின் அலை வீசி இருப்பதாகவும் கடந்த 4 மாத கால ஆட்சிக்கு கிடைக்கும் வரவேற்பும்தான் இந்த இடைத்தேர்தலில் தவெக வேட்பாளர் வெற்றிக்கு காரணம் என்றும் அரசியல் நோக்கர்கள் தெரிவிக்கின்றனர்.
