சென்னை: தமிழகத்தில் நவம்பர் முதல் 2027 ஜனவரி வரை பண்டிகைக் கால மின் தேவையை சமாளிக்க, வெளிச்சந்தையில் இருந்து குறுகிய கால அடிப்படையில் மின்சாரம் வாங்குவதற்கான 4-வது டெண்டரை தமிழக மின்சார வாரியம் வெளியிட்டுள்ளது. இதன் மூலம் நவ.1-ம் தேதி முதல் 2027 ஜன.31-ம் தேதி வரையிலான 3 மாதங்களுக்கு மின்சாரம் வாங்கப்பட உள்ளது.
இந்த காலகட்டத்தில் ஒட்டுமொத்தமாக 4,900 மெகாவாட் மின்சாரத்தைக் கொள்முதல் செய்ய இலக்கு நிர்ணயிக்கப்பட்டுள்ளது. குறிப்பாக, மின் தேவை அதிகம் இருக்கும் என்று கணிக்கப்பட்டுள்ள ஜனவரி மாதத்தில் அதிகபட்சமாக 2,800 மெகாவாட் மின்சாரம் கொள்முதல் செய்யத் திட்டமிடப்பட்டுள்ளது.
தமிழகத்தில் தற்போது வடகிழக்கு பருவமழை தீவிரமடைந்துவருவதைத் தொடர்ந்து, தீபாவளி, கிறிஸ்துமஸ், ஆங்கிலப் புத்தாண்டு, பொங்கல் பண்டிகைக் காலங்களில் தமிழகத்தின் மின் தேவையை சமாளிக்க முன்கூட்டியே இந்த நடவடிக்கைகள்எடுக்கப்பட்டுள்ளதாக மின்வாரிய அதிகாரிகள் தெரிவித்துள்ளனர்.
