குதிரை பேர ​வழக்கு: நீதிமன்றத்தில் செந்தில் பாலாஜி சரண் - முன்ஜாமீன் வழங்கி நீதிபதி உத்தரவு

சென்னை: தவெக எம்​எல்​ஏ-​விடம் குதிரை பேரம் நடத்​தி​ய​தாகத் தொடரப்​பட்ட வழக்​கில் திமுக முன்​னாள் அமைச்​சர் செந்​தில் பாலாஜி சென்னை முதன்மை அமர்வு நீதி​ மன்​றத்​தில் நேற்று சரண் அடைந்​து, முன்​ஜாமீன் பெற்​றார்.

தவெக ஆட்​சியை கவிழ்க்​கும் நோக்​கில் ஊத்​தங்​கரை தவெக எம்​எல்ஏ இளை​ய​ராஜா​விடம் குதிரை பேரத்​தில் ஈடு​பட்​ட​தாக திரு​நாவுக்​கரசு, கார்த்​திக், ரமேஷ், தியாக​ராஜன், நரேஷ் உள்​ளிட்ட 14 பேரை திரு​வல்​லிக்​கேணி போலீ​ஸார் கைது செய்​துள்ளனர்.

இந்த வழக்​கில் திமுக முன்​னாள் அமைச்​ச​ரான செந்​தில் பாலாஜி, அவரது சகோ​தரர் அசோக்​கு​மார் மீதும் குற்​றம்​சாட்​டப்​பட்ட நிலை​யில், அவர்​களுக்கு சென்னை உயர் நீதி​மன்​றம், ஜூலை 8 அன்று நிபந்​தனை முன்​ஜாமீன் வழங்​கியது.

மேலும், இந்த உத்​தரவு நகல் கிடைக்​கப்​பெற்ற நாளி்ல் இருந்து 15 நாட்​களுக்​குள் சென்னை முதன்மை அமர்வு நீதி​மன்​றத்​தில் இரு​வரும் சரண் அடைந்து ரூ.25 ஆயிரத்​துக்​கான சொந்த ஜாமீன் மற்​றும் அதே தொகைக்​கான இருநபர் ஜாமீன் உத்​தர​வாதம் அளித்து முன்​ஜாமீன் பெறலாம் எனவும் அறி​வுறுத்​தி​யிருந்​தது.

இந்​நிலை​யில் குதிரை பேர வழக்​கில் உயர் நீதி​மன்​றம் விதித்த நிபந்​தனை​களின்​படி முன்​னாள் அமைச்​சர் செந்​தில் பாலாஜி தனது வழக்​கறிஞர் பரணிக்​கு​மாருடன் சென்னை முதன்மை அமர்வு நீதி​மன்​றத்​தில் நீதிபதி எஸ்​.​கார்த்​தி​கேயன் முன்​பாக நேற்று காலை 10.30 மணிக்கு சரண் அடைந்து ஜாமீன் உத்​தர​வாதத்தை தாக்​கல் செய்​தார்.

மாலை 3 மணிக்கு இந்த வழக்கை விசா​ரித்த நீதிப​தி, உத்​தர​வாதத்தை ஏற்று முன்ஜாமீன் வழங்​கி​னார். மேலும், இன்று (ஜூலை 25) முதல் திரு​வல்​லிக்​கேணி காவல் நிலைய விசாரணை அதி​காரி முன்​பாக ஆஜராக வேண்​டுமென செந்​தில் பாலாஜிக்கு நீதிபதி உத்​தர​விட்​டார். அதையடுத்து அவர் நீதி​மன்​றத்​தில் இருந்து புறப்​பட்​டுச் சென்​றார்.

செந்​தில் பாலாஜி​யின் சகோ​தரர் அசோக்​கு​மார், வேறு ஒரு வழக்​குக்​காக கரூர் சென்​றுள்​ள​தால் ஜூலை 27-ம் தேதி சென்னை முதன்மை அமர்வு நீதி​மன்றத்​தில்​ சரணடைவார் என தெரிவிக்​கப்​பட்​டது.

8 பேர் ஜாமீன் மனு தள்ளுபடி இதற்கிடையே இந்த வழக்கில் கைது செய்யப்பட்டுள்ள 14 பேரில் திருநாவுக்கரசு, தியாகராஜன், ராஜேஷ், சீனிவாசன், செல்வன், ராஜசேகர், சேதுராஜ் மற்றும் கணேசன் ஆகிய 8 பேருக்கு ஜாமீன் கோரி சென்னை முதன்மை அமர்வு நீதிமன்றத்தில் மனு தாக்கல் செய்யப்பட்டு இருந்தது.

இவர்களுக்கு ஜாமீன் வழங்க அரசு தரப்பில் ஆட்சேபம் தெரிவிக்கப்பட்டது. அதையடு்த்து இந்த ஜாமீன் மனுக்களை தள்ளுபடி செய்து சென்னை முதன்மை அமர்வு நீதிபதி எஸ்.கார்த்திகேயன் உத்தரவிட்டுள்ளார்.