சென்னை: தமிழக முதல்வராக விஜய் பொறுப்பேற்றது குறித்த கேள்விக்கு, நடிகர் ரஜினிகாந்த் பதில் அளிக்காமல் சிரித்துக் கொண்டே சென்ற வீடியோ சமூக வலைதளங்களில் வைரலாகி வருகிறது.
நடிகர் ரஜினிகாந்த் சென்னையில் இருந்து விமானம் மூலம் பெங்களூருக்கு நேற்று சென்றார். முன்னதாக, சென்னை விமான நிலையம் வந்த ரஜினிகாந்திடம், `தமிழக முதல்வராக விஜய் பொறுப்பேற்றுள்ளாரே' என்று செய்தியாளர் ஒருவர் கேள்வி எழுப்பினார்.
ஆனால், அந்த கேள்விக்கு, ரஜினிகாந்த் எந்த பதிலும் சொல்லாமல், கையெடுத்து கும்பிட்டபடி சிரித்துக் கொண்டே விமான நிலையத்துக்குள் சென்றார். இந்த வீடியோ சமூக வலைதளங்களில் வைரலாகி வருகிறது.
